Sinoptyk Dźmitryj Rabaŭ u efiry ANT paviedamiŭ, što z 2 pa 8 červienia ŭ Biełarusi čakajecca vilhotnaje i niestabilnaje nadvorje. Jon adznačyŭ, što na terytoryju krainy buduć prychodzić vilhotnyja pavietranyja masy z Atłantyki i Bałkanaŭ, jakija pryniasuć daždžy.
Pa słovach śpiecyjalista, pakul doŭhaha suchoha pieryjadu čakać nie varta. Pieršy tydzień červienia projdzie ź pieramiennaj i niestabilnaj tempieraturaj i atmaśfiernymi niaŭstojlivaściami.
U pačatku tydnia ŭ bolšaści rehijonaŭ mahčymyja karotkačasovyja daždžy z navalnicami. Tempieratura nočču budzie kala +9…+15 hradusaŭ, a dniom — ad +15 hradusaŭ na paŭnočnym uschodzie da +25 hradusaŭ na paŭdniova-zachodzie. 3 červienia pavietra prahrejecca da +15…+21 hradusa.
U siaredzinie tydnia daždžoŭ nie prahnazujecca, ale tempieratura trochi źnizicca: nočču +7…+12, dniom +18…+24 hradusy.
Da kanca tydnia znoŭ čakajucca karotkačasovyja daždžy i mahčymyja navalnicy. Nočču i ranicaj časam moža być tuman. Tempieratura nočču — +11…+16, dniom u čaćvier — +15…+21, u piatnicu — +14…+18 hradusaŭ.
Na vychodnych taksama mahčymyja łakalnyja daždžy, viatry buduć paŭnočna-zachodnija i zachodnija. Tempieratura nočču składzie +10…+15, dniom u subotu — +16…+19, u niadzielu — +16…+22 hradusy.
Takim čynam, pieršaja pałova červienia budzie dosyć vilhotnaj i ź pieramiennym nadvorjem.
Ciapier čytajuć
Za padpisku na kanały treš-błohiera Mełstroja ciapier buduć karać5
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary