Pastaŭki Ukrainie rakiet Taurus pad pytańniem z-za pazicyi ministra finansaŭ Hiermanii
Pastaŭki Ukrainie dalnabojnych rakiet Taurus mahli apynucca pad pytańniem, pakolki suprać hetaha vystupaje novy ministr finansaŭ Hiermanii Łars Klinhbajl, piša brytanskaje vydańnie The Guardian.
Vydańnie źviartaje ŭvahu, jak źmianiłasia rytoryka fiederalnaha kanclera Hiermanii Frydrycha Mierca paśla taho, jak jon zajaviŭ pra źniaćcie abmiežavańniaŭ dalnabojnaści dla pieradadzienaj Ukrainie zachodniaj zbroi.
Na nastupny dzień paśla taho Mierc zajaviŭ, što dazvoł isnavaŭ užo daŭno, i ŭchiliŭsia ad adkazu, ci hatovy vykanać svajo pieradvybarčaje abiacańnie — pastavić Ukrainie rakiety Taurus.
«Isnuje vialikaja imaviernaść, što ministr finansaŭ, sacyjał-demakrat Łars Klinhbajl źviazaŭ ruki Miercu. Heta nahadvaje paŭtareńnie historyi, jakaja napatkała papiaredni kaalicyjny ŭrad. Mahčyma, mienavita padčas znachodžańnia na pasadzie Mierc lepš uśviadomiŭ składanaści, u pryvatnaści nieabchodnaść šaścimiesiačnaj padrychtoŭki ŭkraincaŭ da vykarystańnia hetych rakiet, a taksama nastupstvy taho, što niamieckija sałdaty buduć pravodzić vučeńni na terytoryi Ukrainy», — havorycca ŭ materyjale.
U toj ža čas sajuźniki Mierca, u pryvatnaści, staršynia kamiteta Bundestaha pa pytańniach abarony Tomas Ryviekamp (CHDS), śćviardžajuć, što ŭžo sama zajava pra źniaćcie abmiežavańniaŭ pa dalokaści udaraŭ uhłyb Rasii «jašče nie źjaŭlajecca abaviazacielstvam pa pastaŭkach Taurus, ale likviduje pryčynu papiaredniaj admovy ŭ pastaŭkach».
Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi
Rašeńnie ab pieradačy Hiermanijaj Ukrainie rakiet Taurus jašče nie pryniata
U Kramli adreahavali na słovy Mierca pra dazvoł dalokich udaraŭ pa Rasii
ZŠA, Hiermanija, Brytanija i Francyja źniali abmiežavańni pa dalokaści z vajennych pastavak Ukrainie
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary