Ukraina masiravana atakavała rasijskija aeradromy i źniščała bambardzirovačnuju avijacyju
Ukraina adnačasova naniesła ŭdary pa čatyroch vajennych aeradromach u Rasii. Pad ataku trapili aeradrom «Dziahileva» ŭ Riazanskaj vobłaści, «Aleńja» ŭ Murmanskaj vobłaści, «Biełaja» ŭ Irkuckaj vobłaści i «Ivanava» ŭ Ivanaŭskaj vobłaści. Usie hetyja abjekty źjaŭlajucca važnymi stratehičnymi bazami dla rasijskaj vajskovaj avijacyi. Mienavita siońnia ŭ RF adznačajecca Dzień vajskova-transpartnaj avijacyi.
Masiravanyja ataki ŭkrainskich dronaŭ na rasijskija vajennyja aeradromy adbyvajucca ŭ RF. SBU zajaviła pra paškodžańnie bolš za 40 samalotaŭ, u tym liku A-50, Tu-95 i Tu-22 M3.
Jość paviedamleńni pra ataku na aeradrom «Aleńja» ŭ Murmanskaj vobłaści. Na hetaj bazie dysłacyrujucca dalnija bambardziroŭščyki Tu-22M3.
Taksama atakavany aeradrom «Biełaja» ŭ Irkuckaj vobłaści RF, raźmieščany ŭ 18 km na paŭnočny zachad ad horada Usolje-Sibirskaje. Na hetaj bazie dysłacyrujecca 200-y hvardziejski bambardzirovačny avijacyjny połk, uzbrojeny bambardziroŭščykami Tu-22M3.
Heta moža być pieršym vypadkam, kali bieśpiłotniki atakavali Sibir.
Pa danych SHOT, niekatoryja vidavočcy śćviardžajuć, što z hruzavika, jaki stajaŭ na trasie, nibyta vylatajuć bieśpiłotniki. Imavierna, havorka idzie pra FPV-drony-kamikadze.
«Varjactva. Ukrainskija vajskoŭcy dastavili FPV-drony da dalokich aeradromaŭ stratehičnaj avijacyi Rasiei ŭ Murmanskaj i Irkuckaj abłaściach. I tam niečakana atakavali bambaviki i składy. Užo zrazumieła, što minimum try samaloty surjozna paškodžanyja.
Pišuć, što drony pryjechali na hruzaviku, a zatym niečakana dla pieravozčyka pačali vylatać adtul. Trajanskaja fura, atrymlivajecca», — piša vajskovy ekśpiert Jan Maćviejeŭ.
Pavodle infarmacyi vydańnia «Babiel», u vyniku hetych atak pad udaram apynulisia bolš za 40 rasijskich samalotaŭ, u tym liku A-50, Tu-95 i Tu-22M3.
Hetaja śpiecapieracyja, jakaja atrymała nazvu «Pavucina», była praviedziena Słužbaj biaśpieki Ukrainy. Zhodna z acenkami, straty rasijskaj avijacyi mohuć skłaści bolš za 2 miljardy dołaraŭ.
Takoha dnia rasijskaja avijacyja jašče nie pieražyvała.
Zaŭtra, 2 červienia, mieŭ adbycca čarhovy raŭnd ukrainska-rasijskich pieramovaŭ u Stambule, na jakich Maskva praciahvaje patrabavać faktyčnaj kapitulacyi Ukrainy.
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary