Palitźniavoleny Dzianis Ivašyn paŭhoda pazbaŭleny telefonnych zvankoŭ
2 červienia spoŭniłasia 6 miesiacaŭ, jak ad palitźniavolenaha žurnalista Dzianisa Ivašyna niama telefonnych zvankoŭ, pišuć u pryśviečanym jamu telehram-kanale. Listy i paštoŭki, kali jon nie ŭ ŠIZA, dachodziać.
«Jašče adzin miesiac praminuŭ biez telefonnaha zvanka Dzianisa. Nie viedaju, čaho takim čynam sprabujuć dabicca vorahi, ale, kali situacyja dahetul nie mianiajecca, vidavočna, svajoj mety jany nie dasiahajuć. Adnak jany vielmi ŭpartyja, sprabujuć čynić adno i toje ž, čakajučy inšaha vyniku», — havorycca ŭ kanale.
Žurnalist Dzianis Ivašyn asudžany na 13 hadoŭ i 1 miesiac nibyta za zdradu dziaržavie (artykuł 356 KK) i niezakonny zbor i raspaŭsiud źviestak ab pryvatnym žyćci (artykuł 179 KK).
Da aryštu ŭ sakaviku 2021 hoda Dzianis Ivašyn šmat daśledavaŭ upłyŭ «russkoho mira» na biełaruskich siłavikoŭ, pisaŭ pra abaronu Kurapataŭ i ŭładkavańnie ŭkrainskich bierkutaŭcaŭ u siłavyja struktury Biełarusi.
Paśla niekalkich miesiacaŭ, praviedzienych u mahiloŭskaj kałonii, u červieni 2023 hoda Dzianisa Ivašyna pieraviali na turemny režym u žodzinskuju turmu №8.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła1
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary