Pa Słucku paŭzuć čutki pra zabojstva z rasčlanionkaj. Voś što kažuć u milicyi
U paniadziełak padletki pačali abmiarkoŭvać u čatach infarmacyju, što nibyta ŭ mikrarajonie Čechava ŭ Słucku byŭ znojdzieny rasčlaniony trup dziaŭčynki-padletka. Historyja nabyła virusny charaktar i chutka raspaŭsiudziłasia ŭ miesiendžarach, paviedamlaje miascovy partał.
Ale, vidać, infarmacyja pra padzieju pačała raspaŭsiudžvacca z-za niapravilnaj interpretacyi dziejańniaŭ orhanaŭ papiaredniaha rasśledavańnia, jakija vyjazdžali na dva inšyja incydenty: kanflikt na bytavoj hlebie i sprobu suicydu. Abodva jany nie majuć nijakaha dačynieńnia ni da «mańjakaŭ», ni da «rasčlanionak».
Adna dziaŭčyna adpraviła ŭ asabisty telehram-kanał z vuzkaj aŭdytoryjaj paviedamleńnie, jakoje stała łavinapadobna pierasyłacca ŭ asiarodździ školnikaŭ.
Na videa ž, jakoje raspaŭsiudžvali padletki ŭ sacsietkach, zafiksavanyja reštki harodniny i hrupa sudmiedekśpiertaŭ jakraz na adnym z paznačanych vyšej miescaŭ praviadzieńnia śledčych dziejańniaŭ.
Hetuju infarmacyju paćvierdzili i ŭ Słuckim RAUS: nijakich trahiedyj, źviazanych z padletkami, ci z zabojstvami, ci z prykmietami kryminalnaha charaktaru, na ščaście, apošnim časam u Słucku nie adbyvałasia.
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary