Z-kanały admaŭlajuć miniravańnie Krymskaha mosta, havorać pra ŭdar padvodnym aparatam
Vybuch byŭ, ale bieź miniravańnia i nie takoj mahutnaści, zapeŭnivajuć jany.
Telehram-kanał «Rybaŕ» śćviardžaje, što Uzbrojenyja siły Ukrainy ŭdaryli pa abjekcie padvodnym aparatam: «Chacia resursy praciŭnika raspaviadajuć pra nibyta «miniravańnie mosta», na samoj spravie jon, z vysokaj vierahodnaściu, vykarystoŭvaŭ aparaty typu «Maryčka» abo «Tałaka», raspracoŭka jakich išła z 2023 hoda. Pry hetym mahčyma vykarystańnie i aparataŭ inšaha typu, raniej šyroka nie anansavanych».
Kanał «Hłabalistyka» taksama admaŭlaje fakt miniravańnia: «Nie było tam nijakaha miniravańnia. Pry vybuchu ŭ 1100 kh u traciłavym ekvivalencie byŭ by vielmi mahutny vybuch, i most moh by i nie vytrymać».
Taksama Z-kanały paviedamlajuć, što apora mosta ad udaru drona nie paciarpieła — jon pryjšoŭsia na achoŭnyja zaharody, zaŭvažyła «Astra».
«A voś adkul u praciŭnika kadry (mabyć, z kamier nazirańnia) — vielmi cikava», — piša «Dva majora».
Rasijskija ŭłady pakul nie kamientavali situacyju.
Raniej Ukraina zajaviła, što ahienty SBU zaminiravali apory abjekta: «I siońnia, biez achviar siarod mirnaha nasielnictva, a 4:44 ranicy było aktyvavana pieršaje vybuchovaje prystasavańnie», — havorycca ŭ paviedamleńni.
Tusk zajaviŭ pra hatoŭnaść adkryć Babroŭniki i Kuźnicu ź listapada55
Kamientary