Bresckaha žurnalista buduć sudzić za siabroŭstva ŭ Biełaruskaj asacyjacyi žurnalistaŭ
Hienieralnaja prakuratura paviedamiła, što z kastryčnika 2023 pa śniežań 2024 hoda jon napisaŭ nie mienš za 43 žurnalisckich artykuły.
Žurnalista abvinavačvajuć va ŭdziele ŭ «ekstremisckim farmiravańni» (častka 3 art. 361-1). Paviedamlajecca, što sprava źviazana ź Biełaruskaj asacyjacyjaj žurnalistaŭ.
U BAŽ žurnalist ustupiŭ nie paźniej za kastryčnik 2023 hoda. Artykuły, jakija jon pisaŭ paśla byli z «zaviedama iłžyvymi źviestkami ab sacyjalnym stanoviščy Biełarusi, pravavym stanoviščy jaje hramadzian i byli nakiravany na dyskredytacyju dziejnaści dziaržaŭnych orhanaŭ», ličyć prakuratura.
Imia i proźvišča abvinavačanaha nie ŭdakładniajucca. Sprava suprać jaho pieradadziena ŭ sud.
BAŽ — niezaležnaje prafiesijnaje abjadnańnie žurnalistaŭ. U sakaviku 2023 hoda arhanizacyju pryznali «ekstremisckim farmiravańniem».
Kamientary