Kamandujučym Siłami bieśpiłotnych sistem Ukrainy pryznačany «Madziar» — kultavy dobraachvotnik, jaki pryjšoŭ u armiju ŭ 2022-m
Uładzimir Zialenski źmianiŭ kamandujučaha Siłami bieśpiłotnych sistem, paviedamlaje «Suśpilnie». Pałkoŭnika Uzbrojenych Sił Ukrainy Vadzima Sucharaŭskaha zvolnili z pasady, na jaho miesca pryznačany vajskoviec ź niezvyčajnaj bijahrafijaj.
Na miesca Sucharaŭskaha pryznačany Robiert «Madziar» Broŭdzi — ukrainski dobraachvotnik viadomy jak zasnavalnik i kamandzir padraździaleńnia «Ptaški Madziara».
Ministr abarony Ukrainy Rustem Umieraŭ adznačyŭ, što dośvied Broŭdzi ŭ «Ptuškach Madziara» pavinien być «maštabavany na ŭsio kamandavańnie».
Broŭdzi da 2022 hoda zajmaŭsia biźniesam i padtrymlivaŭ kulturu praz svoj fond «BroŭdziArt» — arhanizacyju, jakaja prasoŭvała ŭkrainskaje mastactva ŭ jeŭrapiejskich halerejach.
Hety bahaty biznesoviec ź vienhierskimi karaniami pačynaŭ svoj šlach u armii jak kamandzir uzvoda. Adnak, pabačyŭšy, jakoje značeńnie ŭ sučasnaj vajnie mohuć adyhryvać drony, jon letam 2022-ha stvaryŭ navatarskaje padraździaleńnie aeraraźviedčykaŭ, jakoje atrymaje nazvu «Ptachi Madziara». Hetaja čaść vajavała na samych haračych piakielnych učastkach frontu: baraniła Saladar, Aŭdziejeŭku, Krynki, Vaŭčansk. Padraździaleńnie źniščyła sotni adzinak techniki voraha i pierarasło ŭ Asobny bataljon udarnych bieśpiłotnych sistem Korpusa marskoj piachoty.
Vadzim Suchareŭski stanie namieśnikam kamandujučaha apieratyŭnaha kamandavańnia «Uschod» Aleha Mikaca. Jon byŭ pieršym kamandujučym Sił bieśpiłotnych sistem.
A karjerny ŭźlot «Madziara» pakazvaje, nakolki hnutka reahuje na vykliki času ŭkrainskaja armija, jakaja za hady vajny stała adnoj z najmacniejšych u śviecie.
Apytanka
Ciapier čytajuć
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary
Słava Ukrajini Słava Biełarusi Žyvie Biełaruś Žyvie Ukrajina!