Usiaho patrochu1515

Skandał u vip-zale Minskaha vakzała: śvieckaj žurnalistcy Baženie Rynskaj zabaranili sieści z nahami ŭ kreśle

«Tamu što svaboda nahi — pačatak revalucyi», — napisała jana. Na incydent patokam niecenzurnaj łajanki ŭžo adreahavaŭ Azaronak.

Bažena Rynska ŭ vip-zale Minskaha čyhunačnaha vakzała. Fota tut i dalej: jaje telehram

Śvieckaja žurnalistka Bažena Rynska raskazała pra incydent u vip-zale Minskaha čyhunačnaha vakzała. Jana jechała z Ryhi ŭ Maskvu i ŭ biełaruskaj stalicy była prajezdam.

«Kupiła ja SV [spalny vahon] na minski ciahnik. Pryjechała za try hadziny da adychodu. Jechała ŭvieś dzień. Čatyry hadziny ŭ adnym aŭtobusie, šeść — u inšym. Nohi nahadvali dvuch napaŭmiortvych anakond, u jakich infarkt, dyjabiet i ipateka. Jany prasili ab svabodzie i haryzantalnym stanoviščy. Ja paabiacała im usio heta, jak tolki my apyniemsia ŭ toj samaj vip-zale, jakaja prykładajecca da bileta SV na firmovy ciahnik Biełaruś.

Tam utulna: kresły, miakkija pieraharodki. Dyzajn u styli «zamožnaja dača ciotki Łukašenki». U samoj zale ni dušy. Televizar pra sianaž i kasavicu ŭ haspadarkach Biełarusi nie bubnić».

Rynska apisvaje, što dumała prylehčy, ale joj supracoŭnica vip-zały zabaraniła, spasłaŭšysia na praviły. Sieści z nahami ŭ kresła, navat biez abutku, taksama pa praviłach zabaroniena.

«Ja adna ŭ vip-zale. Ni dušy. Ale adčuvańnie, što ja ŭ ŠIZA, i pryjšła dziažurnaja pa atradzie», — dzielicca Rynska.

Jana vyklikała milicyju. Ale i jany paćvierdzili: takija praviły.

U praviłach nasamreč napisana: zabaroniena zdymać vuličny abutak, kłaści nohi i ŭkładvacca na meblu.

«Kansensusu z palicyjaj my nie znajšli. I kožnyja 15 chvilin da majho kresła padychodziła taja samaja kapa pravieryć, ci nie ździejśniła ja supraćzakonnaha akta vyciahvańnia noh. Tamu što svaboda nahi — pačatak revalucyi. Spačatku biełarus zdymaje abutak. Potym lezie na łaŭku, a potym nie daj boh», — napisała Rynska.

@belarusnovosti2 Azarienok riešił proučiť žurnalistku iz Rośsii #biełaruś #biełžd #minsknovosti #novostibiełarusi #minsk #minsksiejčas #minskajapravda #azarienok ♬ Suspenseful and tense orchestra(1318015) - SoLaTiDo

Prapahanda ŭžo lutuje z hetaj nahody. Ryhor Azaronak u sacsietkach abrynuŭsia na žančynu patokam niecenzurnaj łajanki i prapanavaŭ zatrymać jaje nastupnym razam.

«I toje joj nie tak, i heta nie tak. Nohi praciahnuć choča, abutak źniać.

Palicyjantaŭ u nas niama, usie palicai źbiehli. U nas narodnaja milicyja, jakaja pa-dobramu pavinna była ciabie zabrać u małpoŭniu da samych varykoznych, śmiardziučych bamžoŭ. (…)

U nastupny raz budzieš siadzieć pa inšamu. A potym nohi praciahnieš chutčej», — nakinuŭsia Azaronak.

Kamientary15

  • daviedka
    08.06.2025
    Sobčak pieškodrałom čieriez hosudarstviennuju hranicu, a eta, viš ty, s nohami...
    Nieboś, jeŝio i pod etałonnym portrietom v ramočkie samoho Aleksandra Łukašienko.
  • imiečka
    08.06.2025
    Ale heta nielha paraŭnać z tym, što ŭ biełaruskich škołach zabaroniena biehać pa kalidoram
  • Šarkoŭski pan
    08.06.2025
    Śvieckaja? Bažena naradziłasia chvoraja na hałavu. Jana epatažnaja, tak, zaŭsiody takoj była, ale nie treba lapić ź jaje niejkuju achviaru.

Ciapier čytajuć

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ12

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Usie naviny →
Usie naviny

Stała viadoma, kali možna spadziavacca na chutkasnuju elektryčku ź Minska ŭ aeraport1

U Francyi mohuć zabłakavać Bluesky i Reddit, a Makron uvohule za zabaronu sacsietak dla dziaciej3

Handlovym sietkam buduć davać ilhotnyja kredyty dla pieradapłaty za aharodninu2

Namieśnik dyrektara Vialikaha teatra Biełarusi — padpałkoŭnik milicyi3

Palitźniavolenaj Viktoryi Kulšy prysudzili jašče adzin hod źniavoleńnia2

U minskich kramach źjaviłasia maładaja bulba. Adkul i pa kolki?5

«Biellehpram» zaćvierdziŭ uzory školnaj formy na novy navučalny hod FOTY5

Mužčyna pakazaŭ u internecie školny abied. Hramadskaść aburyłasia12

U Mačuliščach abarvałasia budaŭničaja lulka, jość achviary

bolš čytanych navin
bolš łajkanych navin

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ12

«Poŭny zaniapad u Litvie, Łatvii i Estonii». Pra što niedahavorvaje Ryžankoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić