Orban: Ruskija razumiejuć tolki movu siły, ale Rasija — nie pahroza dla NATA, bo nie moža spravicca navat z Ukrainaj
Premjer-ministr Vienhryi Viktar Orban nie bačyć realnaj vajennaj pahrozy z boku Rasii dla krain NATA, bo jana akazałasia niazdolnaj dasiahnuć žadanaha va Ukrainie. Ale ŭ toj ža jon čas zajaviŭ, što Ukraina «prajhraje vajnu».
Orban skazaŭ, što nie baicca pašyreńnia rasijska-ŭkrainskaj vajny da hłabalnaj, paviedamlaje «Jeŭrapiejskaja praŭda».
«Rasiejcy zanadta słabyja dla hetaha. Jany nie mohuć navat pieramahčy Ukrainu, tamu jany nie mohuć sapraŭdy napaści na NATA», — zajaviŭ jon.
U toj ža čas u adkazie na inšaje pytańnie jon zajaviŭ, što Ukraina «prajhraje vajnu» i što, maŭlaŭ, realnyja pieramovy ab jaje spynieńni buduć pamiž Rasijaj i ZŠA.
«Ni Jeŭropa, ni Ukraina nie zmohuć damovicca z Rasijaj. Ukraina — tamu što prajhraje vajnu, a Jeŭropa — tamu što zanadta ŭciahnutaja ŭ heta. Treba, kab heta było pahadnieńnie pamiž rasijanami i amierykancami», — skazaŭ premjer Vienhryi ŭ intervju LCI.
Ciapier čytajuć
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka1
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2323
Kamientary
Ale Orban maje racyju, vajna Rasiei z ZŠA ci Brytanijaj budzie doŭžycca 45 chvilin, pakul nia buduć źniščany tysiačy celaŭ na Maskovii.