Aktyvistaŭ z sudna Madleen, dzie była Hreta Tunbierh, dastavili ŭ aeraport Tel-Aviva dla departacyi
Ministerstva zamiežnych spraŭ Izraila zajaviła, što Hreta Tunbierh i inšyja aktyvisty z sudna Madleen z humanitarnaj dapamohaj, jakoje napiaredadni było pierachoplena izrailskimi vajskoŭcami na šlachu ŭ siektar Haza, prybyli ŭ aeraport dla departacyi, piša Bi-bi-si.
«Pasažyry «sełfi-jachty» prybyli ŭ aeraport «Bien-Huryjon», kab pakinuć Izrail i viarnucca ŭ svaje krainy», — havorycca ŭ paviedamleńni.
Tam adznačajecca, što aktyvisty pavinny vylecieć z krainy ciaham bližejšych hadzin.
«Tyja, chto admovicca padpisać dakumienty ab departacyi i pakinuć Izrail, buduć dastaŭleny ŭ sudovyja orhany ŭ adpaviednaści ź izrailskim zakanadaŭstvam», — havorycca ŭ paviedamleńni.
U paniadziełak Izrail pierachapiŭ jachtu z Hretaj Tunbierh, jakaja płyła ź Italii ŭ Hazu.
Kamientary