Jeŭrapiejskija lidary spadziajucca, što zmohuć uhavaryć prezidenta ZŠA Donalda Trampa adnavić prodaž amierykanskaj zbroi Ukrainie. Pra heta piša The Washington Post sa spasyłkaj na troch jeŭrapiejskich čynoŭnikaŭ.
Pavodle słoŭ krynic vydańnia, jość spadziavańnie, što kali Jeŭropa abo sama Ukraina voźmuć na siabie finansavańnie zakupak — naprykład, praz pazyki, — to Tramp moža dać zialonaje śviatło na pastaŭki ŭzbrajeńniaŭ.
Adnak heta rašeńnie zaležyć i ad jaho asabistych pažadańniaŭ: u kamandzie Trampa aścierahajucca, što takaja padtrymka Ukrainy moža vyklikać niezadavolenaść u Kramli i pieraškodzić mahčymym pieramovam z Rasijaj.
Tym časam u NATA miarkujuć, što pry ciapierašnim stanie Ukrainie chopić resursaŭ jašče prykładna na hod. Adnak ukrainskaja armija apyniecca ŭ vielmi składanaj situacyi, pieravažna abaraniajučysia, ź niedachopam srodkaŭ supraćpavietranaj abarony, tankaŭ i rakiet.
Raniej płanavałasja sustreča prezidentaŭ Ukrainy i ZŠA na samicie G7 u Kanadzie, dzie Uładzimir Zialenski chacieŭ abmierkavać pastaŭki zbroi. Adnak sustreča tak i nie adbyłasia. Pry hetym pradstaŭniki Kijeva vykazvajuć upeŭnienaść, što Tramp usio ž uchvalić prodaž uzbrajeńnia.
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju3
Kamientary
pazyki? kto budiet zyčic? jevropiejskaja strana ili ukraina? jeśli ukrana to nikakich postavok nie budiet.