Litva nie źbirajecca adnaŭlać tranzit biełaruskich uhnajeńniaŭ praz svaju terytoryju
Litva nie maje namieru adnaŭlać tranzit biełaruskich uhnajeńniaŭ praz svaju terytoryju, navat kali pra heta prosiać litoŭskija biznesmieny. Pra heta zajaviŭ Ramunas Dziłba, hałoŭny daradca prezidenta Litvy pa ekałohii i infrastruktury.
Pavodle słoŭ čynoŭnika, pakul dziejničajuć sankcyi ZŠA i Jeŭrasajuza suprać pastavak biełaruskich kalijnych uhnajeńniaŭ, niama sensu razhladać pytańnie ab adnaŭleńni tranzitu.
Tak Ramunas Dziłba prakamientavaŭ prapanovu kampanii Terminał nasypnych hruzaŭ (Birių Krovinių Terminalas) — hruzavoha terminała ŭ Kłajpiedzie, jakaja chacieła zaklučyć pahadnieńnie z uradam i adnavić tranzit uhnajeńniaŭ ź Biełarusi.
Terminał nasypnych hruzaŭ, jakim vałodaje Ihar Udavicki, prapanavała adklikać svoj pazoŭ u Sud ES u abmien na dazvoł pravodzić tranzit pradukcyi dziaržaŭnaha biełaruskaha pradpryjemstva «Biełaruśkalij».
Adnak Ramunas Dziłba padkreśliŭ, što navat kali mižnarodnyja sankcyi buduć źniatyja, Litva ŭsio adno moža vykarystać unutranyja zakony dla abarony svaich nacyjanalnych intaresaŭ.
Jon adznačyŭ, što kali niejkaja kampanija atrymlivaje prybytak ad tranzitu i takim čynam uskosna padtrymlivaje vajnu Rasii abo ŭzmacniaje aŭtarytarny režym u Biełarusi, to kraina maje prava pryniać miery na nacyjanalnym uzroŭni.
Naŭsieda vykazaŭsia nakont idei Cichanoŭskaha pra aŭtanomnyja «astravy» biełarusaŭ u roznych krainach
Volha Łojka: Sankcyi na biełaruskija kalijnyja ŭhnajeńni mohuć być pomstaj z boku Rasii
Litva sprabuje pierakanać ZŠA nie zdymać sankcyi ź biełaruskaha kaliju
Premjer Litvy nie vyklučaje, što ZŠA mohuć pasprabavać prymusić Vilniu źniać sankcyi ź biełaruskaha kaliju
Asudžany za «Hajun» da chimii brat Ihara Łosika ŭciok ź Biełarusi3
Kamientary