Adnak tempy treba paskoryć.
Hienieralny sakratar NATA Mark Rute zajaviŭ, što krainy Jeŭropy vyrablajuć ciapier u šeść razoŭ bolš bojeprypasaŭ, čym dva hady tamu, ale tempy raboty VPK treba paskoryć.
Pra heta Mark Rute zajaviŭ padčas vystupu na adkryćci najbujniejšaha ŭ Jeŭropie zavoda pa vytvorčaści artyleryjskich snaradaŭ Rheinmetall u niamieckim horadzie Unterlus, piša «Ukrinfarm».
«Hadavyja mahutnaści Jeŭropy pa vytvorčaści artyleryjskich bojeprypasaŭ u šeść razoŭ bolšyja, čym usiaho tolki dva hady tamu. Čakajecca, što da kanca hetaha hoda jany dasiahnuć 2 miljonaŭ snaradaŭ. I Rheinmetall zabiaśpiečvaje značnuju častku hetaha rostu». — skazaŭ Rute.
Hienieralny sakratar NATA taksama zaklikaŭ vytvorcaŭ abaronnaj pradukcyi prykłaści anałahičnyja namahańni ŭ pavieličeńni vytvorčaści tankaŭ, sistem supraćpavietranaj abarony i rakiet.
«Ja zaklikaju vas u Rheinmetall i ŭsiu transatłantyčnuju abaronna-pramysłovuju bazu padtrymlivać vysoki ŭzrovień vytvorčaści, padymać płanku jašče vyšej i vykarystoŭvać mahčymaści dla sumiesnaj pracy va ŭsim Aljansie i, viadoma, z našymi partniorami, takimi jak Ukraina». — skazaŭ Rute.
Tolki zavod va Unterlusie płanuje vyrablać 350 tysiač artyleryjskich snaradaŭ u hod, adznačyŭ Rute, dadaŭšy, što zavody Rheinmetall pa ŭsim śviecie sioleta płanujuć vypuścić 700 tysiač artyleryjskich bojeprypasaŭ.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Eto fakt.
A ŭ 6 razoŭ, ci ŭ sto razoŭ ad nula, heta ŭsio adno nul.