Z sajta zabudoŭščyka źnikła ŭsia infarmacyja pra ceny i kolkaść pradadzienych kvater.
U kancy minułaha hoda «Minskbud» pačaŭ budaŭnictva elitnaha žyłoha kompleksa na skryžavańni staličnych vulic Zacharava i Andrejeŭskaj. U hetym rajonie, dzie raniej sialiłasia partyjnaja elita, pačali ŭzvodzić ŽK «Andrejeŭski». Kvatery ŭ pieršych damach z modnaj architekturaj prapanoŭvali pa cenach vyšej za siarednija (i ich kuplali). Adnak siońnia dziaržaŭny zabudoŭščyk niečakana paviedamiŭ pra prypynieńnie budaŭnictva, piša Realt.
Havorka idzie pra byłuju vytvorčuju placoŭku «Minskdreva» na skryžavańni vulic Zacharava i Andrejeŭskaj — niedaloka ad stancyi mietro «Praletarskaja». Hod tamu tut źnieśli 11 starych pabudoŭ, i na miescy vytvorčych karpusoŭ pačali ŭzvodzić dva pieršyja damy novaha kvartała.
Kvatery ŭ kompleksie pradavali partyjami. Naprykład, u červieni tut prapanoŭvali adna– i dvuchpakajoŭki pa canie 2210—2300 dołaraŭ za kvadratny mietr. Adnak siońnia pryjšła navina: na sajcie «Minskbuda» źjaviłasia paviedamleńnie pra prypynieńnie budaŭnictva z-za vyjaŭlenych niedachopaŭ u prajektnaj dakumientacyi.
«U paradku infarmavańnia ŭdzielnikaŭ dolevaha budaŭnictva abjektaŭ budaŭnictva «Žyłaja zabudova ŭ rajonie skryžavańnia vuł. Zacharava i vuł. Andrejeŭskaj. Žyły dom №1 i žyły dom №2 HPA «Minskbud» paviedamlaje pra prypynieńnie budaŭnictva z 11.06.2025 u suviazi z vyjaŭleńniem niedachopaŭ prajektnaj dakumientacyi. Ab adnaŭleńni budaŭnictva ŭdzielniki dolevaha budaŭnictva buduć prainfarmavany dadatkova».
Ciapier z sajta zabudoŭščyka źnikła ŭsia infarmacyja pra ceny i kolkaść pradadzienych kvater.
Uvieś ŽK «Andrejeŭski» pavodle płana budzie składacca ź piaci šmatpaviarchovikaŭ ahulnaj płoščaj u 30 tysiač kvadrataŭ.
Novabudoŭli zaprajektavany sa składanymi siłuetami i łamanymi schiłami dachaŭ. Zaviaršyć pieršyja damy płanavałasia ŭ 2026 hodzie.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ35
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary