Karpiankoŭ abvinavaciŭ apazicyju ŭ «raskładańni imidžu milicyjaniera jak abaroncy»
Kamandujučy Unutranymi vojskami Mikałaj Karpiankoŭ pavinšavaŭ z 59‑j hadavinaj stvareńnia vajskovuju častku 5448, pryśviaciŭšy ŭ vinšavańni niamała miesca roli hetaha padraździaleńnia padčas narodnych vystupleńniaŭ 2020 hoda, jakija stali «asablivaj pravierkaj na tryvałaść».
U interpretacyi Mikałaja Karpiankova, tady «na vulicach Minska vyrašaŭsia los suvierennaj Biełarusi».
«U toj pieryjad apazicyja damahłasia peŭnych pośpiechaŭ u infarmacyjna-psichałahičnym uździejańni na hramadstva, raskładajučy imidž milicyjanta jak abaroncy. Im udałosia vyklikać u ludziej pačućcio strachu znachodžańnia na vulicach, asabliva ŭ miescach praviadzieńnia masavych mierapryjemstvaŭ i vialikaj kolkaści hramadzian», — vykładaje svaju aryhinalnuju viersiju padziej siłavik, jaki mienavita tady, znachodziačysia na čale HUBAZiKa, nabyŭ svaju sumnuju viadomaść.
Pavodle jaho słoŭ, siłaviki, jakija pravodzili tady i pravodziać da hetaha času žorstkija represii suprać mirnych demanstrantaŭ, vykonvali takuju zadaču, jak «adnavić adčuvańnie biaśpieki». U toj čas nibyta jany «nie prosta achoŭvali paradak, a demanstravali adkrytaść i hatoŭnaść dapamahčy».
I dziakujučy hetamu «my dakazali i pakazali ludziam, što milicyja i narod adzinyja, što ŭnutranyja vojski — heta apora, a nie pahroza».
«Kali jon stanie ministram, Kubrakoŭ padasca pacanionkam». Historyja žyćcia Mikałaja Karpiankova
Pavuk paskardziŭsia na Karpiankova ideołahu MUS
Dzie ciapier top-siłaviki, jakija ŭdzielničali ŭ represijach u 2020-m
Jak siłaviki na čale z Karpiankovym kryšavali narkahandlaroŭ i zastalisia biespakaranymi
«Vy jašče ŭbačycie, jak lidaraŭ demakratyčnaj apazicyi Karpiankova i Azaronka buduć słuchać, raskryŭšy rty»
U siamji Mironcavych za palityku ŭžo asudzili maci i troch siaścior. A ciapier aryštavali i muža adnoj ź siaścior3
Kamientary
Atrymlivałasia, što jon skvapny drobny pabiruška, jaki złoŭžyvaje ŭłasnym słužbovym stanoviščam! Nu niaŭžo takoje moža być?
P.S. Raskładańnie - na častki, razłažeńnie - ŭ sensie hnijeńnia.