Premjer Litvy: Kali situacyja ź Biełaruśsiu nie źmienicca, znoŭ zakryjem miažu
U suviazi z dalejšym praciahłym patokam mieteazondaŭ z kantrabandaj ź Biełarusi ŭ Litvu premjer-ministr Inha Ruhinienie nie vyklučaje mahčymaści paŭtornaha zakryćcia pamiežnych punktaŭ z hetaj krainaj, piša Delfi.lt.
«Jak tolki my adkryli (pamiežnyja pierachody), my ŭbačyli pazityŭnyja sihnały z druhoha boku miažy. Ale jak tolki situacyja źmienicca, my ŭžo atrymlivajem prava i mahčymaść razhledzieć samyja žorstkija inšyja miery. Na siońniašni dzień nam treba sustrecca i abmierkavać usie dziejańni, jakija my pradprymajem. Mahčyma, my zakryjem miažu, i rašeńnie budzie pryniata, kali situacyja nie palepšycca», — zajaviła I. Ruhinienie žurnalistam u paniadziełak.
Miaža ź Biełaruśsiu była zakrytaja praź mieteazondy ź Biełarusi ŭradam Litvy z 26 kastryčnika. Płanavałasia, što jana budzie zakrytaja da 30 listapada, ale paśla adkryćcia dvuch pierachodaŭ na polska-biełaruskaj miažy ŭrad Litvy pryniaŭ rašeńnie adkryć miažu z 20 listapada.
Učora viečaram i nočču aeraport Vilni dvojčy zakryvaŭsia praź mieteazondy.
Kamientary