Jak adzin z 6723 vybarščykaŭ chacieŭ by bačyć jak maha bolej aktyŭnych ludziej u hetaj kampanii. Ale liču, što ŭ joj adbyŭsia falstart. Uličvajučy kolkaść i jakaść vyzvalenych aktyvistaŭ, varta było b pravieści štości nakštałt ustanoŭčaha schodu, kab zrabić reviziju ŭsimi zacikaŭlenymi dziejučaha pałažeńnia ab praviadzieńni vybaraŭ, damovicca ab novych prymalnych dla ŭsich praviłach vybarčaj kampanii. Vidavočna, što pad ciskam majučyja aŭtarytet aktyvisty nie buduć udzielničać u abrańni ŭ orhan, u jakim ich funkcyja budzie čysta dekaratyŭnaja ci naminalnaja. Pa fakcie, na žal, udzieł u KR nie daje ničoha, akramia novaha kryminalnaha pieraśledu. Vahu hetaha instytuta treba padymać, bo jon całkam lehitymizavany, maje pradstaŭnictva ŭ Jeŭraparłamiencie, a heta dobraja placoŭka dla prasoŭvańnia biełaruskaha paradkudnia, vyrašeńnia zadač, jakija stajać pierad palityčnaj emihracyjaj. Zaraz ža vidavočnaja dematyvacyja, što na ruku tolki režymu. Nie śpiašajučysia, ź infarmacyjnaj kampanijaj u bujnych ŚMI i błohieraŭ treba make KR great again.
Ci ŭklučacca vyzvalenyja palitviaźni ŭ vybary ŭ Kaardynacyjnuju radu? Entuzijazmu pakul nie vidać