U Kramli zajavili pra stratu instrumientaŭ dla prapahandy za miažoj paśla błakiroŭki Telegram
«Asabliva ŭ blizkim zamiežžy», — zajaviŭ Dźmitryj Piaskoŭ.
Rasijskija ŭłady zastalisia bieź instrumientaŭ dla prapahandy za miažoj paśla błakiroŭki Telegram i inšych miesiendžaraŭ, a taksama zamiežnych sacyjalnych sietak, zajaviŭ pres-sakratar prezidenta Rasii Dźmitryj Piaskoŭ.
«My ciapier imkliva hublajem instrumientar dla našaj prapahandysckaj pracy za miažoj. Asabliva ŭ blizkim zamiežžy. Televizijny efir — heta davoli adnosnaja reč u naš čas, jon vyklučajecca knopkaj», — skazaŭ Piaskoŭ na kanfierencyi «Sučasnyja miedyja: technałohii, sensy, kadry» ŭ Vyšejšaja škoła ekanomiki, paviedamlaje Moscow Times.
Pavodle jaho słoŭ, va ŭsim śviecie i ŭ krainach SND, na jakija Kreml imkniecca raspaŭsiudžvać svaju prapahandu, najbolšaj papularnaściu karystajucca «varožyja sacyjalnyja sietki». «My nie pracujem u hetych asiarodździach. My nie pracujem z Telegram. A dzie nam tady danosić sensy? I nam heta jašče treba prydumać», — adznačyŭ Piaskoŭ.
Jon dadaŭ, što abahnać kankurentaŭ na prastory SND pavinien dziaržaŭny miesiendžar Max i zaklikaŭ naroščvać u im aŭdytoryju, kab Kreml moh «znajomić sa svajoj pazicyjaj» žycharoŭ krain blizkaha zamiežža.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»30
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary