U hetym hodzie budučyja stamatołahi i terapieŭty zmohuć pastupić tolki na biudžet. Heta značyć, usich paśla vučoby budzie čakać abaviazkovaja adpracoŭka.
Siońnia ŭ Biełaruskim dziaržaŭnym miedycynskim univiersitecie prajšoŭ dzień adkrytych dźviarej. Univiersitet raskazaŭ, kolki abituryjentaŭ jany prymuć u hetym hodzie.
Usiaho zapłanavany pryjom na pieršy kurs 1330 čałaviek — 500 na lačebny fakultet, 130 na miedyka-prafiłaktyčny, 340 na stamatałahičny, 230 na piedyjatryčny, 130 na farmaceŭtyčny. Ź ich 782 — pa metavym nakiravańni.
Ale što najbolš ździviła baćkoŭ budučych studentaŭ — faktyčna admianili płatnaje navučańnie. Na lačebnym, miedyka-prafiłaktyčnym, stamatałahičnym i piedyjatryčnym fakultecie buduć tolki biudžetnyja miescy dla tych, chto pastupaje ŭ 2026 hodzie (dla tych, chto ŭžo vučycca, ničoha nie źmianiajecca). 30 miescaŭ dla płatnikaŭ praduhledžana tolki na farmaceŭtyčnym fakultecie.
Termin adpracoŭki dla budučych daktaroŭ paśla ŭniviersiteta ciapier składaje 5 hadoŭ.
U hetym hodzie BDMU pavialičvaje i sam nabor — letaś jany stavili płanku na 1154 abituryjenty.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary