Deficyt rasijskaha biudžetu za pieršy kvartał akazaŭsia bolšy, čym płanavałasia na hod
Deficyt biudžetu pa vynikach troch miesiacaŭ dasiahnuŭ 4,6 trłn rubloŭ. Heta na 20% bolš za zapłanavany na ŭvieś 2026 hod pakazčyk na 3,8 trłn rubloŭ, śviedčać danyja Ministerstva finansaŭ, jakija praanalizavała «Ahientstvo».
Vydatki skłali 12,9 trłn rubloŭ, što na 17% vyšej za ŭzrovień minułaha hoda.
Dachody skłali 8,3 trłn rubloŭ — heta na 8,2% nižej za minułahodni pakazčyk.
Naftahazavyja dachody sfarmavalisia na sumu 1,4 trłn rubloŭ (padzieńnie na 45% da minułaha hoda). Nienaftahazavyja dachody fiederalnaha biudžetu skłali 6,9 trłn rubloŭ (rost na 7,1% da minułaha hoda).
Rost deficytu Minfin tradycyjna patłumačyŭ apieradžalnaj dynamikaj vykanańnia vydatkaŭ. Pavodle źviestak viedamstva, heta abumoŭlena apieratyŭnym zaklučeńniem kantraktaŭ i avansavańniem asobnych kantraktnych vydatkaŭ.
Takoj «dzirki» ŭ biudžecie pa vynikach pieršaha kvartała nie było ni ŭ adzin hod vajny. U 2025 hodzie jana była mienšaj za 1,96 trłn, u 2024‑m — 0,6 trłn, u 2023‑m — 2,4 trłn. U 2022 hodzie naziraŭsia praficyt.
Taki značny deficyt budzie składana kampiensavać navat dadatkovymi dachodami, jakija čakajucca ŭ krasaviku. Da taho ž paśla pieramirja pamiž ZŠA i Iranam ceny na naftu apuścilisia nižej za 100 dalaraŭ.
Rost deficytu pavialičvaje vierahodnaść siekviestru biudžetu.
Kamientary