Heta nijakaje nie ŭzmacnieńnie, a prosta buchhałtarski chitryk, kab schavać užo paniesienyja straty nieefiektyŭnych dziaržpradpryjemstvaŭ praz užo zroblenuju dakapitalizacyju. To bok faktyčna tyja pradpryjemstvy ŭžo atrymali biudžetny kredyt albo kredyt pad dziaržharantyi (što pryncypova adnoje i toje ž). Kredyt byŭ prajedzieny albo ŭkładzieny ŭ nielikvidnuju majomaść, ale zapazyčanaść zastałasia i voś nadychodzić čas jaje viartać. U tym momant čystyja aktyvy faktyčna apynajucca ŭ minusie, i heta stvaraje padstavy dla bankructva. Tady robicca buchhałtarski chitryk - daŭhi źmianiajucca na pavialičeńnie dziaržaŭnaha akcyjaniernaha kapitału ŭ suadnosinach 1:1, i vuala - akcyjanierny kapitał u padliku čystych aktyvaŭ užo nie ŭdzielničaje, tamu farmalna padstavaŭ dla bankructva bolš niama. Ale u adpaviednaści z zakanadaŭstvam treba pamienšyć pamier akcyjaniernaha kapitału da pamieru čystych aktyvaŭ, čaho kaniešnie ž nie robicca. Taksama usie nielikvidnyja aktyvy uličvajucca pa zavyšanamu bałansavamu koštu, jaki nia maje ničoha ź ich rynkavym koštam. Z boku dziaržavy kredyt narešcie śpisvajecca i vieličynia dakapitalizacyi nibyta pavialičvaje košt dziaržmajomaści. Maŭlaŭ, nabyŭ - nie pra...aŭ. Ale heta fiejkavy košt, bo adekvatna acenienych aktyvaŭ za im niama. Pa sutnaści, ad samoha pačatku kredyt byŭ prytvornaj ździełkaj, kab schavać straty i ich kampiensavańnie za biudžetny košt.
Dolu dziaržavy pavialičyli ŭ piaci bujnych kampanijach