Inicyjatyva Maldzis sumiesna sa šviejcarskim dabračynnym Fondam Maryi Mahdaleny Radzivił vyrabili padmurak i novuju miemaryjalnuju tabličku dla pomnika Tadevušu Kaściušku ŭ šviejcarskim Załaturnie. Uračystaje adkryćcio abnoŭlenaha pomnika płanujecca ŭvosień.
Realizacyja prajekta viałasia z 2024 hoda. Dziakujučy padtrymcy ambasadarki Šviejcaryi ŭ Biełarusi Kryściny Chonehier-Załatuchinaj prajekt byŭ uzhodnieny z meryjaj Załaturna.
Inicyjataram abnaŭleńnia pomnika vystupiŭ kiraŭnik Fondu Maryi Mahdaleny Radzivił — Aleś Sapieha, jaki i ŭstalavaŭ pomnik Tadevušu Kaściušku ŭ Šviejcaryi jašče ŭ 2017 hodzie.
«Kali ŭ 2017 hodzie my ŭstaloŭvali pomnik, to dumali, što stvarajem biełaruski punkt na mapie Šviejcaryi. Ciapier, kali pad pomnikam źjavicca kamień ź Biełarusi, suviaź pamiž našymi krainami stanie jašče i fizičnaj».
Vyvaz vałuna ź Biełarusi byŭ ździejśnieny na pačatku 2026 hoda. Da adpraŭki ŭ Šviejcaryju kamień znachodziŭsia na składzie polskaj kampanii ŭ Biała-Padlascy. Takomu pryjaznamu staŭleńniu da prajekta mocna paspryjali pradstaŭniki Polskaha fondu Kaściuški (Polska Fundacja Kościuszkowska) — Lešek Marek Kšeśniak i Ryšard Boś.
«Hety prajekt nahadvaje, što biełaruskaja historyja hłyboka ŭkaranionaja ŭ Jeŭropie, i siońniašnija padzieły hetaj suviazi nie pieraryvajuć. Svajoj padtrymkaj takich inicyjatyvaŭ našyja miecenaty vykazvajuć pašanu jak da nacyjanalnaj spadčyny, tak i da našaj ahulnaj ź Jeŭropaj historyi», — kaža apiakun prajekta Maldzis Ryhor Astapienia.
Kamientary