Milicyja papiaredziła pra dzikich žyvioł, što vychodziać na trasy
U apieratyŭna-dziažurnuju słužbu milicyi Minskaj vobłaści pastupiła videaśviedčańnie: na darozie znachodziacca dzikija žyvioły.
Na miesca nakiravali supracoŭnikaŭ DAI, paviedamlaje pres-słužba MUS.
U DAI źviartajuć uvahu kiroŭcaŭ: nieabchodna być maksimalna ŭvažlivymi i aściarožnymi, asabliva na ŭčastkach pablizu lasnych masivaŭ.
Dzikija žyvioły mohuć vybiehčy na darohu raptoŭna, z-za kustoŭ abo dreŭ, nie čakajučy źjaŭleńnia aŭtamabilaŭ. Bujnyja žyvioły, takija jak łasi abo dziki, majuć značnuju masu, i sutyknieńnie moža mieć surjoznyja nastupstvy, uklučajučy niebiaśpieku dla žyćcia i zdaroŭja.
Taksama žyvioły bajacca śviatła far, što moža prymusić ich stać na miescy abo naadvarot — panikavać i biehčy nasustrač transpartu.
Aproč taho, u ciemry, źmiarkańni, tumanie ci daždžy zaŭvažyć žyviołu stanovicca značna składaniej.
DAI nastojliva rekamienduje:
— trymać biaśpiečnuju chutkaść: asabliva ŭ miescach, dzie jość vierahodnaść źjaŭleńnia dzikich žyvioł (abaznačanyja znakami «Dzikija žyvioły»);
— u ciomny čas sutak vykarystoŭvać dalniaje śviatło far: heta dapamoža zaŭvažyć žyviołu zdaloku. Pieraklučajciesia na blizkaje pry sustrečnym ruchu!
— nie adciahvajciesia: vykarystańnie mabilnaha telefona za rulom nieprymalna, asabliva va ŭmovach pavyšanaj ryzyki;
— lepš prytarmazić — nie sprabujcie abjechać žyviołu na vialikaj chutkaści. Heta moža być bolš niebiaśpiečna, čym tarmažeńnie.
Taksama rekamiendujecca paviedamlać pra zaŭvažanych žyvioł: u vypadkach źjaŭleńnia dzikich žyvioł paviedamlajcie śpiecyjalistam Dziaržaŭnaj inśpiekcyi achovy žyviolnaha i raślinnaha śvietu.
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary