Try nažy, čatyry hadziny i 35 litraŭ. Biełarusy aktyŭna źbirajuć pieršyja lisički
U Biełarusi pačaŭsia aktyŭny hrybny siezon. Kali pa pieršyja maślaki biełarusy vypraŭlalisia ŭ les jašče ŭ mai, to ŭ červieni jany pieraśledujuć užo inšuju metu — lisički, piša vydańnie Times.by.
Amal dva tydni leta było cicha, tolki miescami hrybnikam udavałasia naźbirać paru litraŭ hryboŭ. Adnak ciopłaje i mokraje nadvorje ŭsio źmianiła, bo biełarusy napoŭnicu zrazajuć pieršyja lisički i z honaram chvalacca imi ŭ siecivie.
Tak, adzin z entuzijastaŭ pakazaŭ svaju zdabyču, jakuju jamu i kampanii ŭdałosia zdabyć 12 červienia.
«Čatyry hadziny, try nažy», — abviaščaje podpis da hetaha zdymka.
Miarkujučy pa kadry, hrybniki ad dušy paviesialilisia, bo, pavodle prybliznych mierak, im udałosia sabrać nie mienš za 35 litraŭ lisičak, adnak łakacyju aŭtar pasta tak i nie nazvaŭ.
Jość naviny z Mahiloŭskaj vobłaści. Dziaŭčyna pa imieni Julija padzialiłasia kadrami pieršych lisičak, jakija joj užo ŭdałosia sabrać u Kiraŭskim rajonie.
Nie adstajuć amatary cichaha palavańnia z Babrujska. Tut 11 červienia zmahli viarnucca dadomu ź viadrom žoŭtych hryboŭ.
Ale nie abaviazkova iści daloka, bo voś takich pryhažunoŭ znajšli ŭ centry Minska i ŭ lesaparku Mazyra.
Viadoma, nie ŭsim šancuje, adnak ludzi nie sumujuć, bo ŭ lasach Biełarusi ŭžo pačynajuć śpieć sunicy, jakija biełarusy taksama nie suprać paźbirać.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary