U Minsku spynili dziejnaść finansavaj piramidy, jakaja isnavała čatyry hady
U Minsku spynili dziejnaść arhanizavanaj hrupy, jakaja, jak śćviardžajecca, stvaryła ŭ stalicy finansavuju piramidu, paviedamlaje pres-słužba MUS.
Pavodle infarmacyi śledstva, u 2022 hodzie dvoje minčukoŭ va ŭzroście 27 i 31 hoda zarehistravali firmu, praź jakuju arhanizavali ašukanskuju schiemu.
Pad vyhladam adukacyjnaj internet-płatformy jany prapanoŭvali hramadzianam mahčymaść atrymlivać stabilny prybytak, budavać karjeru i atrymlivać dadatkovyja bonusy. Dla ŭdziełu nieabchodna było nabyć kamiercyjnuju licenziju, jakaja nibyta adkryvała dostup da navučalnych materyjałaŭ i ekskluziŭnaj bazy kantraktaŭ.
Nasamreč, jak śćviardžaje MUS, navučańnie abmiažoŭvałasia videamateryjałami nizkaj jakaści, a abiacanaj bazy kantraktaŭ nie isnavała. Košt takoj «licenzii» składaŭ ad 200 da 5 tysiač dalaraŭ.
Kab pryciahnuć novych udzielnikaŭ, arhanizatary vykarystoŭvali psichałahičny cisk. Ludziej, jakija nie mieli patrebnaj sumy, uhavorvali brać kredyty i mikrapazyki. Najčaściej achviarami stanavilisia maładyja ludzi va ŭzroście ad 18 da 24 hadoŭ.
Pavodle papiarednich danych, bolš za 99% usich pastupleńniaŭ składali ŭnioski novych udzielnikaŭ. Vypłaty raniejšym klijentam ažyćciaŭlalisia tolki za košt pryciahnieńnia novych ludziej, a realnaj prybytkovaj dziejnaści arhanizacyja faktyčna nie viała.
Pa acenkach siłavikoŭ, kolkaść paciarpiełych moža pieravysić 500 čałaviek, a ahulnaja suma ich strat — 2,5 miljona rubloŭ.
Zatrymanyja dvoje arhanizataraŭ i jašče čaćviora ich mierkavanych saŭdzielnikaŭ. Padčas pieratrusaŭ byli kanfiskavany najaŭnyja hrošy, dva darahija aŭtamabili, kampjutarnaja technika, mabilnyja telefony i buchhałtarskija dakumienty.
Śledčyja zaviali kryminalnuju spravu pa artykule ab machlarstvie ŭ asabliva bujnym pamiery. Padazravanym pahražaje da 12 hadoŭ pazbaŭleńnia voli. Jany źmieščanyja ŭ izalatar časovaha ŭtrymańnia, piaciora ŭžo dali pryznalnyja pakazańni.
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary
Vy b chacia b paškadavali byłych palitviaźniaŭ, jakija nienavidziać hetaje viedamstva, vykryćciom jakich by machlarskich schiemaŭ jano samo sabie nie vychvalałasia.