Hramadstva1414

Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»

U Mahilovie pačaŭsia kapitalny ramont histaryčnaha budynka, na tarcy jakoha namalavany murał z «Pahoniaj». Kamianica, jakaja raniej pryznačałasia dla pašyreńnia Muzieja historyi Mahilova, niečakana była pieradadziena pad adździaleńnie pasolstva Rasijskaj Fiederacyi. Takich adździaleńniaŭ płanujecca adkryć adrazu try — va ŭsich uschodnich abłcentrach. 

Kamianica pa vulicy Leninskaj, 5a u Mahilovie. Fota: Sputnik Biełaruś

Dvuchpaviarchovy cahlany budynak pa vulicy Leninskaj, 5a znachodzicca niepasredna za haradskoj ratušaj. U 2018 hodzie jaho pieradali Muzieju historyi Mahilova dla stvareńnia ekspazicyj i raźmiaščeńnia fondaŭ. Padčas techničnaha abśledavańnia ŭ 2023 hodzie ekśpierty pa pamiery cehły vyznačyli čas jaho pabudovy — siaredzina XVIII stahodździa.

Ciapier na abjekcie pravodzicca kapitalny ramont z madernizacyjaj. Zhodna z materyjałami dziaržzakupak, košt rabot składaje kala 613 tysiač rubloŭ z haradskoha biudžetu. U novaj prajektnaj dakumientacyi muziejnyja funkcyi budynka ŭžo nie zhadvajucca, jak i realnaje novaje pryznačeńnie. Na vykanańnie ŭsich rabot advodzicca ŭsiaho 2,5 miesiaca.

Murał na tarcy doma. Fota z sacsietak
Pahonia jak častka hierba Mahilova na murale. Fota z sacsietak

Zhodna z zaćvierdžanym prajektam rekanstrukcyi vonkavyja ścieny histaryčnaha budynka buduć ucieplenyja minierałavatnymi plitami. Pry hetym dziaržaŭnaja ekśpiertyza zabaraniła zašyvać uciaplalnikam i zafarboŭvać tarec budynka, na jakim raźmieščany mastacki murał. U dakumientacyi prapisana patrabavańnie zachavać hety rośpis. 

Murał z hierbam i hraviuraj 1702 hoda byŭ stvorany ŭ 2017 hodzie, da 750‑hodździa Mahilova, mastakom Ryhoram Šarajevym za sponsarskija srodki. Hierb Mahilova źmiaščaje hierb Pahonia ŭviersie adlustravanaj na im bramy.

U adramantavanym budynku raźmieścicca adździaleńnie pasolstva Rasijskaj Fiederacyi. Rašeńnie ab vydzialeńni hetaha pamiaškańnia rasijskim dypłamatam było ŭzhodniena Alaksandram Łukašenkam 21 maja 2026 hoda.

Uładzisłaŭ Dajneha. Fota: news.by

Kiraŭnikom rasijskaha adździaleńnia ŭ Mahilovie pryznačany Uładzisłaŭ Dajneha. Da 2014 hoda jon byŭ deputatam haradskoha savieta Ałčeŭska (Ukraina) ad Partyi rehijonaŭ. Paśla pačatku kanfliktu na Danbasie pierajšoŭ na bok prarasijskich sił i z 2017 pa 2022 hod zajmaŭ pasadu «ministra zamiežnych spraŭ» niepryznanaj Łuhanskaj Narodnaj Respubliki (ŁNR). Dajneha znachodzicca pad sankcyjami ES, ZŠA, Vialikabrytanii, Kanady, Šviejcaryi i Japonii, va Ukrainie jon pryciahvajecca da kryminalnaj adkaznaści.

Asabniak u centry Viciebska, u jakim adkryjecca adździaleńnie pasolstva Rasii. Fota: Huhł karty

Rasija praciahvaje pašyrać svaju dypłamatyčnuju prysutnaść u biełaruskich rehijonach. U dadatak da hienieralnych konsulstvaŭ u Breście i Hrodnie, rasijskija adździaleńni rychtujucca da adkryćcia ŭ abłasnych centrach adrazu troch uschodnich abłaściej: u Mahilovie, Homieli i Viciebsku. Dla viciebskaha pradstaŭnictva ŭłady taksama vydzielili histaryčny budynak u centry horada — były asabniak haradskoha architektara Cichana Kibardzina, pabudavany ŭ kancy XIX stahodździa.

«Naša Niva» — bastyjon biełaruščyny

PADTRYMAĆ

Kamientary14

  • Baradzied
    16.08.2026
    Otvratitielnaja novosť. Čiem po-vašiemu budut zdieś zanimaťsia eti subjekty? V vostočnych obłastiach dostatočno mnoho kandidatov v šturmoviki dla v svo. A potom iŝi ich na prostorach rasiei ili donbassa.
  • Rusłan
    16.08.2026
    Miestnyje raša-aktivisty połučat kuratorov/sponsorov v šahovoj dostupnosti.
  • dieda
    16.08.2026
    [Red. vydalena]

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Usie naviny →
Usie naviny

Samaja tannaja kvatera — 222 tysiačy rubloŭ. MAPID prapanavaŭ kvatery ŭ «Soniečnym» dla ŭsich achvotnych5

46‑hadovaha minskaha psichołaha i biznes-treniera pasadzili pa palityčnaj spravie2

Prezident Manholii, jaki try tydni tamu sustrakaŭsia z Łukašenkam, padaŭ u adstaŭku, abvinavačany ŭ karupcyi1

U Hiermanii małady biełarus uščent raskałaciŭ furu ab aŭtadom piensijanieraŭ. Kiroŭcaŭ ratavali z dapamohaj viertalotaŭ

Rasijskija i łukašenkaŭskija ŚMI dahetul nie paviedamili pra rujnavańnie Krymskaha mosta7

Ceny na nieruchomaść pajšli ŭniz. Pryčym nie tolki ŭ Minsku13

U kramach pačali pradavać novuju ekzatyčnuju reč

Amierykanski sudmiedekśpiert: Džefry Epštejn, imavierna, byŭ zabity, a nie pakončyŭ z saboj5

U Kamyšavasie zaviaršyŭsia pošuk cieł. U vyniku rasijskaha ŭdaru tam zahinuli 72 čałavieki

bolš čytanych navin
bolš łajkanych navin

Ci pahražaje Krymu błakada praz paralizavany Krymski most?14

Ci pahražaje Krymu błakada praz paralizavany Krymski most?

Hałoŭnaje
Usie naviny →

Zaŭvaha:

 

 

 

 

Zakryć Paviedamić