Słavakija sustrełasia ź Minskam. Ci stanie biełarusam lahčej atrymać vizy?
Słavacki ministr na palach Hienasamblei AAN sustreŭsia spačatku z Maksimam Ryžankovym, paśla — sa Śviatłanaj Cichanoŭskaj. Daviedalisia, pra što razmaŭlali.
Pieršaja sustreča ministraŭ z 2020 hoda
Kiraŭniki MZS Biełarusi i Słavakii, Maksim Ryžankoŭ i Juraj Błanar, sustrelisia ŭ Ńju-Jorku na palach Hienieralnaj asamblei AAN. Heta była pieršaja razmova kiraŭnikoŭ zamiežnapalityčnych viedamstvaŭ dźviuch krain z 2020 hoda.
Biełaruskaje MZS paviedamiła, što baki razhledzieli «ŭvieś śpiektr dvuchbakovych adnosin» i padkreślili nieabchodnaść zachoŭvać adkrytyja kanały suviazi dziela chutkaha ŭrehulavańnia vajny va Ukrainie.
U paviedamleńni słavackaha MZS skazana pra ŭzajemnuju zacikaŭlenaść u «prahmatyčnym palityčnym dyjałohu» i supracoŭnictvie ŭ śfierach, jakich nie zakranajuć sankcyi Jeŭrasajuza. Siarod ich nazvali handal, kulturu, adukacyju i sport.
Błanar padkreśliŭ, što Słavakija prytrymlivajecca supolnaj pazicyi ES adnosna Biełarusi, u tym liku ŭ pytańni sankcyj, ale choča zachoŭvać pramy dyjałoh.
«Dypłamatyja pavinna być paŭnavartasnym instrumientam padtrymańnia kamunikacyi, niahledziačy na toje, što my nie va ŭsim zhodnyja. Tam, dzie heta dazvalajuć praviły, my možam šukać prastoru dla praktyčnaha supracoŭnictva i lepš razumieć pazicyi druhoha boku», — zajaviŭ słavacki ministr.
U 2025 hodzie Bracisłava znoŭ nakiravała ŭ svaju ambasadu ŭ Minsku paŭnavartasnaha ambasadara — eks-kamunista Jozafa Mihaša, jaki ŭžo ŭznačalvaŭ dypłamatyčnaje pradstaŭnictva ŭ 2016—2020 hadach.
Paśla Ryžankova Błanar pahavaryŭ ź Cichanoŭskaj. Jana paprasiła vydavać biełarusam bolš viz
Paśla sustrečy z Ryžankovym Juraj Błanar mieŭ razmovu sa Śviatłanaj Cichanoŭskaj, paviedamiŭ «Našaj Nivie» jaje daradca pa dypłamatyi Dzianis Kučynski.
Jany abmierkavali vajnu Rasii suprać Ukrainy, rolu ŭ joj režymu Łukašenki i sankcyjnuju palityku.
«Pakolki Słavakija zachoŭvaje paŭnavartasnuju ambasadu ŭ Minsku na ŭzroŭni ambasadara, niahledziačy na ahulny padychod ES adnosna niepryznańnia Łukašenki i abmiežavańnia dypłamatyčnych kantaktaŭ z režymam, my zaklikali vykarystoŭvać hetuju prysutnaść u tym liku dla taho, kab vydavać bolš viz biełarusam», — raskazaŭ Dzianis Kučynski.
Słavacki vizavy centr u Minsku pačaŭ prymać zajavy na vizy ŭ Słavakiju i Partuhaliju ŭ lutym 2026 hoda. Adnak dla bolšaści biełarusaŭ umovy atrymańnia słavackaj šenhienskaj vizy zastajucca žorstkimi: niezaležna ad mety pajezdki da zajavy treba prykłaści zaprašeńnie, zavieranaje słavackaj palicyjaj pa spravach zamiežnikaŭ. Vyklučeńni praduhledžanyja dla členaŭ siemjaŭ hramadzian ES, jakija majuć prava na sproščany paradak.
Demakratyčnyja siły prapanujuć vykarystoŭvać mahčymaści dla pašyreńnia kantaktaŭ pamiž ludźmi.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary