Paśla pocisku ruki Zialenskamu Tramp zrabiŭ dziŭny znak. Sacsietki zašumieli VIDEA
U sacyjalnych sietkach abmiarkoŭvajuć niezvyčajny žest, jaki prezident ZŠA Donald Tramp pakazaŭ paśla pocisku ruki prezidentu Ukrainy Uładzimiru Zialenskamu 22 vieraśnia 2026 hoda ŭ Ńju-Jorku padčas Hienieralnaj asamblei AAN.
Paśla pocisku ruki Tramp na imhnieńnie nakiravaŭ dva palcy ŭniz, a zatym paviarnuŭ ruku da nahi. Hety ruch staŭ nahodaj dla roznych žartaŭ i zdahadak.
U pryvatnaści, niekatoryja karystalniki sacsietak vykazali mierkavańnie, što amierykanski prezident nibyta padaŭ niejki znak masonam.
Adna z mahčymych interpretacyj — takaja, što Tramp moh padać nieprykmietny sihnał svajoj achovie abo arhanizataram sustrečy. Tearetyčna ruch moh aznačać, što sustreča skončyłasia i žurnalistam para pakinuć pamiaškańnie.
Jašče adna viersija źviazvaje jaho ź viadomym žestam, kali ŭkazalny i siaredni palcy ŭtvarajuć litaru V. Padčas Druhoj suśvietnaj vajny hety znak staŭ papularnym jak simvał pieramohi, a ŭ 1960‑ia hady ŭ ZŠA jaho stali aktyŭna vykarystoŭvać udzielniki antyvajennaha ruchu jak simvał miru. Adnak tradycyjna palcy pry takim žeście nakiravanyja ŭvierch, a Tramp pakazaŭ ich uniz, tamu suviaź pamiž hetymi žestami zastajecca tolki zdahadkaj.
Jašče adno tłumačeńnie źviazanaje z bajkierskaj kulturaj. Matacyklisty vykarystoŭvajuć dva palcy, nakiravanyja ŭniz, jak karotkaje pryvitańnie i pažadańnie biaśpiečnaj darohi. Žest źviazvajuć z vyrazam two wheels down — «dva koły ŭnizie», heta značyć pažadańniem zaŭsiody trymać abodva koły na ziamli. U bajkierskim asiarodździ taki ruch taksama moža aznačać uzajemnuju pavahu.
Razam z tym najbolš prostaje tłumačeńnie zaklučajecca ŭ tym, što žest moh być całkam vypadkovym. Ruch palcaŭ moh adbycca naturalna paśla pocisku ruki — naprykład, praź źmienu stanovišča kiści abo karotkačasovaje napružańnie myšcaŭ.
Zialenski paviedamiŭ pra damoŭlenaść adnosna rakiet-pierachopnikaŭ dla Patriot
ZŠA prapanujuć try kroki dla deeskałacyi vajny va Ukrainie
Tramp znoŭ paabiacaŭ chutki mir va Ukrainie
Zialenski ŭ Ńju-Jorku 40 chvilin havaryŭ z Trampam
Rubia raskazaŭ pra pierśpiektyvy enierhietyčnaha pieramirja pamiž Ukrainaj i Rasijaj
Kamientary