Viciebski viadučy pažartavaŭ na zakrytym mierapryjemstvie. Praź dźvie hadziny da jaho pryjechała milicyja praz danos
Niechta z 50 udzielnikaŭ iventa adpraviŭ u čat-bot milicyi videa z vystupam Vitala Savieljeva i napisaŭ, byccam jon žartavaŭ na palityčnyja temy.
Pra aburalny vypadak viciebski viadučy Vital Savieljeŭ raspavioŭ u tyktoku.
Pa słovach mužčyny, štohod pry kancy viasielnaha siezona viadučyja pravodziać «Sejšn» — mierapryjemstva, na jakim źbirajucca tyja, chto pracuje ŭ industryi, kab adśviatkavać kaniec viasielnaha marafonu.
«Tradycyjna na takim mierapryjemstvie my robim «prasmažku» — heta farmat žorstkich žartaŭ adno pra adnaho. Uvieś čas usie śmiajomsia, prykałvajemsia, časam navat davoli hrubavata žartujem. Ale heta zaŭsiody ŭsprymałasia i ŭsprymajecca z humaram. Dakładniej, usprymałasia da ŭčorašniaha dnia», — kaža Vital.
Mužčyna žorstka žartavaŭ pra kalehu, jakoha nie było na mierapryjemstvie.
Praź dźvie hadziny paśla vystupu da Vitala pryjechali siłaviki i paprasili dać tłumačeńnie nakont tych žartaŭ.
Vital pryznajecca, što da apošniaha byŭ upeŭnieny: pryjezd milicyi — heta rozyhryš ad kaleh. Ale vyśvietliłasia, što ŭsio surjozna: milicyjaniery pakazali paviedamleńnie ad ananima, jakoje atrymali ŭ svoj bot u telehramie. Niechta dasłaŭ zapis vystupu Savieljeva i napisaŭ, što toj na mierapryjemstvie dapuskaŭ abraźlivyja vykazvańni palityčnaha charaktaru.
Takaja zajava Vitala mocna ździviła. Jon śćviardžaje, što i słova pra palityku nie skazaŭ.
«Było bolš za 50 čałaviek u zale, jakija, kali daviedalisia pra ŭsiu hetuju historyju, što pryjazdžaŭ narad i my pisali pratakoł, tłumačeńni, byli ŭ šoku. Situacyja nastolki siurrealistyčnaja, što sapraŭdy nie chaciełasia ŭ heta vieryć».
Viadučy kaža, što moža było b i paśmiajacca z historyi, kali nie b abvinavačvańnie ŭ niejkich palityčnych žartach.
Jon stelefanavaŭsia z čałaviekam, pra jakoha žartavaŭ — toj śćviardžaje, što nie pisaŭ u čat-bot MUS. Vital schilny vieryć, što toj sapraŭdy ni pry čym.
«U čym sens historyi? U tym, što, siabry maje, časam navat nie viedaješ, što toj, chto tabie paśmichajecca ŭ tvar, u kišeni ŭ telefonie ŭžo piša zajavu na ciabie».
Vital pryznajecca, što mocna rasčaravany, ale žadańnia vyśviatlać, chto na jaho danios, u jaho niama. Jon ličyć svaje žarty biaskryŭdnymi i dalokimi ad palityčnych tem, bo žartavali vyklučna pra kaleh-siabroŭ i pracu.
«Pravasłaŭnyja aktyvisty» danieśli na Maksa Karža ŭ Hienprakuraturu Rasii z-za radkoŭ «I nie nužna vojna, nie nužna ona»
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała
Z BMZ «prynižalna» zvolnili supracoŭnicu, jakaja rabiła danos u 2020 hodzie
Ciapier čytajuć
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»27
«Niama ŭ nas inšych biełarusaŭ». Lidar «Drazdoŭ» zaklikaŭ daravać tym, chto «nie tam łajk pastaviŭ»
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2121
Kamientary
Na papu s mamoj doniesu,
I vierit naš korol v odno-s:
V donos, v donos, v donos.