Špacyry pa biełaruskaj Maskvie: pomnik Kupału na Kutuzaŭskim praśpiekcie, hatel «Maskva»
Kupała staić śpinoju da skvieru i chmaračosaŭ, miełanchalična i supakojena hladzić kudyś u dalečyniu, pavierch šmatpałosnaha aŭtamabilnaha ruchu
U vielmi pryhožym miescy na zachadzie Maskvy, u skviery na Kutuzaŭskim praśpiekcie, staić pomnik biełaruskamu paetu Janku Kupału aŭtarstva skulptaraŭ Lava i Siarhieja Humileŭskich.
Pomnik byŭ ustalavany ŭ 2005 hodzie, ale ŭračysta adkryć jaho biełaruski aficyjoz razam z maskoŭskimi ŭładami spadobilisia tolki dvuma hadami paźniej.
Užo
zadoŭha da aficyjnaha adkryćcia pomnik staŭsia miescam zboru maskoŭskich biełarusaŭ, źjaviłasia tradycyja ŭskładać da jaho kvietki na važnyja dla Biełarusi daty —25 sakavika, Dni salidarnaści i inšyja. Na
U škole, jakaja mieścicca pobač z skvieram, kaliści byŭ abstalavanaja ekspazicyja ŭ honar biełaruskaha paeta.
Kupała staić śpinoju da skvieru i chmaračosaŭ, miełanchalična i supakojena hladzić kudyś u dalečyniu, pavierch šmatpałosnaha aŭtamabilnaha ruchu Kutuzaŭskaha praśpiekta.
A ŭ samym centry Maskvy, na Maniežnaj płoščy niepasiarednie pobač z Kramlom, voś užo niekalki hadoŭ nie moža skončycca adnaŭleńnie hatelu «Maskva», u jakim roŭna 70 hadoŭ tamu zahinuŭ Janka Kupała.
Hatel byŭ całkam razabrany ŭ 2004 hodzie, a potym pabudavany nanoŭ u tym ža samym vyhladzie.Sensu buryć i nanoŭ adbudoŭvać dom, jakomu ledźvie spoŭniłasia niejkich 70 hadoŭ, nie było, ale zatoje, jak kažuć niedobrazyčliŭcy, chtości zmoh dziakujučy hetamu prajektu skraści 87 miljonaŭ dołaraŭ. Voś tak i žyviem.
Jość u Maskvie i kaścioł, u jakim, jak kažuć, viančaŭsia Kupała — pra jaho inšym razam.
Pomnik Janku Kupału:
View Larger Map
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan6
Kamientary