Литература1818

Вольга Бабкова: «Радзіва «Прудок» Андруся Горвата — гэта проста космас

Фота Нікі Сандрас.

Мінакі і птушкі ў Аляксандраўскім скверы раней такога дакладна не бачылі. У тэатральную кавярню «Аўстэрыя «Уршуля», што насупраць самага старога мінскага фантана, стаяла чарга. Не бачылі такога і дворнікі з рэзідэнцыі праз дарогу. А калі б дазналіся — здзівіліся. Іх былы «тэатральны калега» сабраў аншлаг.

А мне ўявілася яшчэ постаць у фраку ў вокнах уяўнага палаца Чапскага, праз якія 126 гадоў таму паглядаў мінскі губернскі маршалак Атон Горват на новапабудаваны гарадскі зімовы тэатр. На пабудову гэтага тэатра Горват уклаў немалыя грошы і, напэўна ж, неаднойчы наведваў ягоныя прэм’еры. А ў снежні 2016 года сваю першую кнігу падпісваў у будынку тэатра за столікам кавярні ягоны нашчадак — Андрусь Горват. Мне падаецца, гэта надзвычай цікавай мінскай гісторыяй з шэрагу «вечнага вяртання».

Фота Алены Ляшкевіч: чарга каля Купалаўскага па аўтографы Андруся Горвата, аўтара з вёскі Прудок Калінкавіцкага раёна.

Людзі ішлі і ішлі, Горват падпісваў і падпісваў. Людзі ўсміхаліся і ціха радаваліся (менавіта ціха). Аўтар амаль не падымаў галавы. Але калі ўсё ж падымаў — таксама ціха ўсміхаўся. І зусім не як пераможца.

Фота Жанны Лосевай.

Горват напісаў нечаканую кнігу пра свой Космас. У яго выйшла бліскуча. Дзівосным чынам ён працёр звыклае шкельца для лепшага бачання і падзяліўся з усімі кіслародам.

Віртуальнае грамадства ўжо чакала нешта ад Горвата, а ўсё роўна атрымаўся сюрпрыз. Свежы і яркі. Бо былы бесхацінец, які сядзіць нарэшце ў сваім доме на сінім табурэце, гадуе 333 сланечнікі, дваццаць вішняў, казу ды котку, слухае аднавяскоўцаў у вёсцы і хвоі ў лесе («Лес, калі доўга слухаць ягоны шум, дае парады» — Чэслаў Мілаш), а таксама радыё «Культура», — мастак, думаннік і паэт. Узяў і прыдумаў ідэю дзедавага дома, а пасля зрабіў яе рэальнасцю. 

Калі жыццё даходзіць да нейкай Нетуды, прыадчыняюцца яшчэ адныя дзверы. І нават не адны. Трэба быць чуйным і таленавітым.

Горват — інтраверт, але ў яго ёсць свае прычыны жыць навідавоку і прычыны час ад часу залазіць ва ўнутраны куфар. Бо хованкі, урэшце, — нашая нацыянальная гульня. 

«Кожны беларус мусіць быць партызанам», — напісаў Горват. А самы лепшы беларус — такі, які зрабіў штосьці неймавернае, а пра яго не напісалі ў газеце пры жыцці.

Пра Горвата напісалі. І ён — харошы.

Я ж удзячная Андрусю за слова «Нялюта», якое было прыдумана ў шчаслівую хвіліну — бо сама нарадзілася напярэдадні Нялюты — амаль у апошнюю ноч з зімы на вясну, калі от люты, а от ўжо нялюты.

Комментарии18

Сейчас читают

«Знаете, как комментирует ваше задержание оппозиция? «Арестован пособник режима». Тюремная исповедь лидера профсоюзов Ярошука1

«Знаете, как комментирует ваше задержание оппозиция? «Арестован пособник режима». Тюремная исповедь лидера профсоюзов Ярошука

Все новости →
Все новости

В Китае продолжаются жесткие чистки в армии: полетела голова второго человека в войсках3

«Я думаю, Путин хочет завершить войну». Трамп встретился в Белом доме с Зеленским23

Философ Мацкевич предлагает создать вариант белорусского русского языка, чтобы приблизить его к белорусскому125

Польский суд отказался выдавать Германии обвиняемого во взрыве «Северного потока»4

Александр Азаров закрывает фонд Bypol4

В «Белоруснефти» рассказали, как решают проблему очередей на АЗС6

У минской Комаровки появился конкурент. Какие цены на этом «секретном» рынке?5

Путин наградил Андрея Лемешонка и игумению Гавриилу14

Тихановской временно вернули прежнюю охрану17

больш чытаных навін
больш лайканых навін

«Знаете, как комментирует ваше задержание оппозиция? «Арестован пособник режима». Тюремная исповедь лидера профсоюзов Ярошука1

«Знаете, как комментирует ваше задержание оппозиция? «Арестован пособник режима». Тюремная исповедь лидера профсоюзов Ярошука

Главное
Все новости →

Заўвага:

 

 

 

 

Закрыць Паведаміць