Гамяльчанка сышла з БТ і стварыла свой канал без цэнзуры: топ-5 смешных ВІДЭА
Наталля Багданава з Гомеля на сваім ютуб-канале выкладае апытанкі, вострасацыяльныя вершы, рэпартажы з праверак сферы абслугоўвання ды пародыі на беларускія навіны пад псеўданімам Данута Хлусня. Робіць яна гэта як на рускай, так і на беларускай мовах.
Папрацаваўшы на Белтэлерадыёкампаніі, дзяўчына стамілася ад цэнзуры і забароненых тэм ды вырашыла стварыць нейкую альтэрнатыву дзяржаўным СМІ самастойна. Пачынала толькі з жартаў, але хутка перайшла і на больш сур’ёзныя рэчы: праблемы палітыкі, эканомікі ды інш.
Прапаноўваем да прагляду самыя вогненныя відэа.
Верш «Дзень няволі» Наталля прысвяціла падзеям 25 сакавіка 2017 года. У ім яна выказвае занепакоенасць будучыняй свайго сына: «Пакуль што нашы дзеці клапоцяцца аб тым, каб бонсцікаў калекцыю сабраць. Нам нельга больш дзеля дзяцей баяцца, нам нельга больш дзеля дзяцей маўчаць».
Свой інфармацыйны канал Наталля назвала «Беларусь 37». Прэзідэнт, дарогі, маленькія зарплаты — гэта толькі невялікая частка тых тэм, якія яна закранае ў выпусках-пародыях. «Коратка пра галоўнае: у Беларусі ўсё добра», — менавіта так яна пачынае адзін з апошніх выпускаў.
А тут Наталля задаецца пытаннем, чаго не хапае Беларусі. І прыходзіць да высновы, што нам не стае ўласнага Аляксея Навальнага. Ці згодныя вы?
Пра тое, каго рыхтуюць беларускія ВНУ і навошта нам дыпломы?
А гэта відэа, дзе дзяўчынка плача, прамаўляючы фразу «Мы — беларусы», разляцелася па інтэрнэце і стала вірусным. У кадры, як высветлілася, — пляменніца Наталлі.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары