Hamialčanka syšła z BT i stvaryła svoj kanał biez cenzury: top-5 śmiešnych VIDEA
Natalla Bahdanava z Homiela na svaim jutub-kanale vykładaje apytanki, vostrasacyjalnyja vieršy, repartažy z pravierak śfiery absłuhoŭvańnia dy parodyi na biełaruskija naviny pad psieŭdanimam Danuta Chłuśnia. Robić jana heta jak na ruskaj, tak i na biełaruskaj movach.
Papracavaŭšy na Biełteleradyjokampanii, dziaŭčyna stamiłasia ad cenzury i zabaronienych tem dy vyrašyła stvaryć niejkuju alternatyvu dziaržaŭnym ŚMI samastojna. Pačynała tolki z žartaŭ, ale chutka pierajšła i na bolš surjoznyja rečy: prablemy palityki, ekanomiki dy inš.
Prapanoŭvajem da prahladu samyja vohniennyja videa.
Vierš «Dzień niavoli» Natalla pryśviaciła padziejam 25 sakavika 2017 hoda. U im jana vykazvaje zaniepakojenaść budučyniaj svajho syna: «Pakul što našy dzieci kłapociacca ab tym, kab bonścikaŭ kalekcyju sabrać. Nam nielha bolš dziela dziaciej bajacca, nam nielha bolš dziela dziaciej maŭčać».
Svoj infarmacyjny kanał Natalla nazvała «Biełaruś 37». Prezident, darohi, maleńkija zarpłaty — heta tolki nievialikaja častka tych tem, jakija jana zakranaje ŭ vypuskach-parodyjach. «Koratka pra hałoŭnaje: u Biełarusi ŭsio dobra», — mienavita tak jana pačynaje adzin z apošnich vypuskaŭ.
A tut Natalla zadajecca pytańniem, čaho nie chapaje Biełarusi. I prychodzić da vysnovy, što nam nie staje ŭłasnaha Alaksieja Navalnaha. Ci zhodnyja vy?
Pra toje, kaho rychtujuć biełaruskija VNU i navošta nam dypłomy?
A heta videa, dzie dziaŭčynka płača, pramaŭlajučy frazu «My — biełarusy», raźlaciełasia pa internecie i stała virusnym. U kadry, jak vyśvietliłasia, — plamieńnica Natalli.
Ciapier čytajuć
Łosik raskazaŭ, jak Babaryku katavali ŭ navapołackaj kałonii26
Łosik raskazaŭ, jak Babaryku katavali ŭ navapołackaj kałonii
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1111
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch11
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1111
Kamientary