Мікола Статкевіч этапаваны 17 жніўня, пра гэта паведаміла ў сваім фэйсбуку яго жонка Марына Адамовіч.
Туды ж этапаваны Сяргей Ціханоўскі, Ігар Лосік, Уладзімір Няронскі, раней Зміцер Фурманаў.
«Ёсць верагоднасць, што ў Жодзіна этапаваныя і іншыя палітвязні, каб не дапусціць іх грамадскай падтрымкі, каб яны не чулі галасоў салідарнасці», — выказала думку Марына Адамовіч.
Мікалая Статкевіча затрымалі 31 мая, калі ён ехаў на пікет на Камароўку, і адправілі ў турму на Акрэсціна. Суд двойчы прысудзіў яму па 15 сутак адміністрацыйнага арышту. Статкевіч меў выйсці на волю 30 чэрвеня, але стала вядома, што яго затрымліваюць у крымінальнай справе за «падрыхтоўку дзеянняў, якія груба парушаюць грамадскі парадак» (як і паплечнікаў Ціханоўскага паводле арт. 342).
Праз месяц, 30 ліпеня, стала вядома, што ў дачыненні да Міколы Статкевіча, Сяргея Ціханоўскага і іншых асоб распачата крымінальная справа за «падрыхтоўку да масавых беспарадкаў» па арт. 13, арт. 293 Крымінальнага кодэкса Рэспублікі Беларусь.
Цяпер чытаюць
Якая логіка судоў за Гаюн? Мужчына, якога затрымлівалі па гэтай справе, апісаў убачанае13
Каментары