Mikoła Statkievič etapavany 17 žniŭnia, pra heta paviedamiła ŭ svaim fejsbuku jaho žonka Maryna Adamovič.
Tudy ž etapavany Siarhiej Cichanoŭski, Ihar Łosik, Uładzimir Niaronski, raniej Źmicier Furmanaŭ.
«Jość vierahodnaść, što ŭ Žodzina etapavanyja i inšyja palitviaźni, kab nie dapuścić ich hramadskaj padtrymki, kab jany nie čuli hałasoŭ salidarnaści», — vykazała dumku Maryna Adamovič.
Mikałaja Statkieviča zatrymali 31 maja, kali jon jechaŭ na pikiet na Kamaroŭku, i adpravili ŭ turmu na Akreścina. Sud dvojčy prysudziŭ jamu pa 15 sutak administracyjnaha aryštu. Statkievič mieŭ vyjści na volu 30 červienia, ale stała viadoma, što jaho zatrymlivajuć u kryminalnaj spravie za «padrychtoŭku dziejańniaŭ, jakija hruba parušajuć hramadski paradak» (jak i paplečnikaŭ Cichanoŭskaha pavodle art. 342).
Praź miesiac, 30 lipienia, stała viadoma, što ŭ dačynieńni da Mikoły Statkieviča, Siarhieja Cichanoŭskaha i inšych asob raspačata kryminalnaja sprava za «padrychtoŭku da masavych biesparadkaŭ» pa art. 13, art. 293 Kryminalnaha kodeksa Respubliki Biełaruś.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?85
Kamientary