Аляксандр Лукашэнка прыехаў у будынак Купалаўскага тэатра, дзе адбылася закрытая прэм'ера спектакля «Паўлінка». Пра гэта паведаміў тэлеграм-канал «Пул Першага».
Затым ён сустрэўся з калектывам.
Перад рэпетыцыяй міністр культуры Анатоль Маркевіч расказаў, што ў трупу прынялі студэнтаў універсітэта культуры і акадэміі мастацтваў. «І я хачу запэўніць: яны не падвядуць ні тэатр, ні краіну», — сказаў Маркевіч.
— Значыць, у 2020 годзе мы загубілі гэты спектакль і зноў яго аднавілі? Поўнасцю? Не горш, чым было? — спытаўся Лукашэнка.
— Я думаю, нават лепш, — адказаў міністр.
***
Для Аляксандра Лукашэнкі гэта, як мінімум, трэцяе наведванне Купалаўскага. У пачатку 2000-х ён наведаў спектакль «Князь Вітаўт», галоўную ролю ў якой выконваў Генадзь Давыдзька. А ў 2013-м глядзеў глядзеў тую ж «Паўлінку» пасля рэканструкцыі Тэатра, піша Tut.by.
На сайце Купалаўскага тэатра адсутнічала нейкая інфармацыя аб прэм'еры «Паўлінкі», квіткоў не было ў продажы.
Большасць акцёраў і работнікаў тэатра звольніліся ў жніўні пасля звальнення Паўла Латушкі. У трупе засталося каля дзясятка акцёраў.
Закрытыя перадпрэм'ерныя паказы «Паўлінкі» адбыліся ў канцы снежня 2020 года. Прэм'ера была папярэдне прызначаная на першую дэкаду студзеня, затым пераносілася.
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары