Alaksandr Łukašenka pryjechaŭ u budynak Kupałaŭskaha teatra, dzie adbyłasia zakrytaja premjera śpiektakla «Paŭlinka». Pra heta paviedamiŭ telehram-kanał «Puł Pieršaha».
Zatym jon sustreŭsia z kalektyvam.
Pierad repietycyjaj ministr kultury Anatol Markievič raskazaŭ, što ŭ trupu pryniali studentaŭ univiersiteta kultury i akademii mastactvaŭ. «I ja chaču zapeŭnić: jany nie padviaduć ni teatr, ni krainu», — skazaŭ Markievič.
— Značyć, u 2020 hodzie my zahubili hety śpiektakl i znoŭ jaho adnavili? Poŭnaściu? Nie horš, čym było? — spytaŭsia Łukašenka.
— Ja dumaju, navat lepš, — adkazaŭ ministr.
***
Dla Alaksandra Łukašenki heta, jak minimum, treciaje naviedvańnie Kupałaŭskaha. U pačatku 2000-ch jon naviedaŭ śpiektakl «Kniaź Vitaŭt», hałoŭnuju rolu ŭ jakoj vykonvaŭ Hienadź Davydźka. A ŭ 2013-m hladzieŭ hladzieŭ tuju ž «Paŭlinku» paśla rekanstrukcyi Teatra, piša Tut.by.
Na sajcie Kupałaŭskaha teatra adsutničała niejkaja infarmacyja ab premjery «Paŭlinki», kvitkoŭ nie było ŭ prodažy.
Bolšaść akcioraŭ i rabotnikaŭ teatra zvolnilisia ŭ žniŭni paśla zvalnieńnia Paŭła Łatuški. U trupie zastałosia kala dziasiatka akcioraŭ.
Zakrytyja pieradpremjernyja pakazy «Paŭlinki» adbylisia ŭ kancy śniežnia 2020 hoda. Premjera była papiarednie pryznačanaja na pieršuju dekadu studzienia, zatym pieranosiłasia.
Dźmitryj Łukašenka choča pastavić pad kantrol usie mabilnyja telefony11
Kamientary