Як легальна купіць дзікабраза ці імператарскага ўдава ў Мінску? Расказваем
Калі вам заўсёды хацелася мець экзатычнага гадаванца, ёсць абсалютна даступны варыянт. Аказваецца, мінскі заапарк пастаянна прадае жывёлаў: ад слімакоў ці тараканаў да ўдаваў і скатаў. Цэны здзіўляюць.
Зялёны мадагаскарскі ўдаў каштуе 500 рублёў, як і насаты полаз, гэта самыя дарагія «лоты».
Насаты полаз сапраўды насаты
Арызонская горная каралеўская змяя абыдзецца ў 400 рублёў, кітайскі бамбукавы полаз у 450. Імператарскі ўдаў хоць і гучыць дорага, але каштуе ўсяго толькі 200 беларускіх рублёў.
Індыйскага дзікабраза аддадуць за 350 рублёў. Ската-хвастакола — за 100.
Вялікія слімакі Ахаціны каштуюць 10 рублёў, палачнікі ад 2 да 10.
Гэта не галінка, а палачнік
Тараканы ўвогуле таннейшыя за кубак кавы. Трапічныя па 2 рублі, мадагаскарскія па рублю.
Продаж жывёлаў залежыць ад таго, як хутка нараджаюцца новыя. Напрыклад, раней можна набыць афрыканскага вожыка за 100 рублёў. Цяпер іх у продажы больш няма.
«Бывае, што на дадзены момант жывёлы няма ці яна яшчэ вельмі малая. Тады мы просім пакупніка звярнуцца да нас пазней. Напрыклад, сёння мы не прадаем папугайчыкаў, але птушкі сядзяць на гнёздах. Гэта значыць, што ў маі папугайчыкаў ужо можна будзе купіць», — патлумачылі «Нашай Ніве» ў заатэхнічным аддзеле заапарка.
За спісам жывёлаў, якія можна купіць, можна сачыць на сайце Мінскага заапарка. Там ёсць і рыбы, і птушкі, і рэптыліі.
«Самыя папулярныя грызуны — хамякі. І папугайчыкі», — кажуць у заапарку. Але нават іх прадаюць не ўсім.
«Перад продажам размаўляем з будучым пакупніком і часам нават адмаўляем. Часам па чалавеку бачна, што не варта яму купляць жывёлу.
Жывёл, якіх мы прадаем, абавязкова трэба рэгістраваць. Таксама яны патрабуюць пэўных умоваў для ўтрымання і кармлення. Усё гэта абгаворваецца з пакупніком перад тым, як падпісаць дамову.
Умовы ўтрымання правяраем не мы, гэта ўжо залежыць ад Камітэта аховы прыроды», — тлумачаць у заапарку.
Цяпер чытаюць
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам28
Каментары