Нерухомасць

«Сітуацыя блізкая да калапсу». Знайсці жытло ў Тбілісі ўжо амаль немагчыма

Кошты на арэнднае жыллё растуць, прычым кожны дзень. Да жадаючых зняць кватэру беларусаў дадаліся расіяне і ўкраінцы. За апошні час у гэтую краіну па некаторых звестках прыехала каля 70 тысяч чалавек, піша realt.by.

Фота суразмоўцы realt.by

Мінчанка Анастасія жыве ў Тбілісі са жніўня мінулага года, па магчымасці дапамагае знайсці жыллё знаёмым і сябрам, якія прылятаюць з Беларусі.

Паводле яе, цяпер сітуацыя з арэндным жыллём у Тбілісі блізкая да калапсу ‒ колькасць жадаючых зняць кватэру павялічваецца, добрых прапаноў ужо амаль не засталося.

‒ Яшчэ нядаўна можна было зняць кватэру з адной спальняй (як наша двушка) з добрым рамонтам у найлепшым раёне Тбілісі за 300 даляраў. Цяпер за гэтыя грошы нерэальна нешта знайсці нават на ўскрайку. Жыллё ў раёнах у 30-40 хвілінах на таксі ад цэнтра кшталту нашай двушкі каштуе рэальна 500 долараў. Калі казаць пра цэнтр, то тут кошты ўжо 600-1000 долараў і вышэй.

Са свайго досведу магу сказаць, што мясцовыя рыэлтары перагружаныя, яны проста не адказваюць, а пасты аб арэндзе ў тэлеграм-каналах жывуць не дні, а гадзіны і хвіліны. Праз гадзіну на кватэру ўжо чарга.

Настасся кажа, што былі выпадкі, калі выстаўлялі кватэры без цаны і адраса, а людзі пісалі пра гатоўнасць яе зняць.

‒ Мае знаёмыя яшчэ тыдзень таму знялі кватэру з двума пакоямі з добрым рамонтам у прэстыжным загарадным раёне за 500 даляраў. Цяпер такая ж кватэра каштуе ў два разы даражэй. Цяпер не час хадзіць і глядзець варыянты, рынак трашчыць, свабодных кватэр становіцца ўсё менш.

На думку Анастасіі, сітуацыя можа змяніцца, калі людзі пачнуць з'язджаць у іншыя краіны ці іншыя гарады з больш таннай нерухомасцю. Напрыклад, у Кутаісі, Руставі, Тэлаві, Батумі.

Яшчэ адзін былы мінчанін Дзмітрый здымае кватэру ў Тбілісі з восені мінулага года.

‒ Кватэру, якую я здымаю ў раёне Салалакі, у тым годзе можна было зняць за 400 даляраў у месяц (на доўгі тэрмін), а цяпер ‒ ужо за 600, ‒ распавядае ён. ‒ Людзі, якія прылятаюць цяпер, шукаюць кватэры да 500, а па факце прыстойнае жыллё на сямʼю (не студыя і не бабушатнік) каштуе ад 700 долараў. Многія, як я зразумеў, разглядаюць Грузію як транзітную кропку. Таму жыллё бяруць рознае, перакантавацца месяц-два.

У іншых грузінскіх гарадах, паводле інфармацыі Дзмітрыя, кватэры таннейшыя ‒ ад 350 долараў. Але кошты растуць літаральна кожны дзень.

‒ Нярэдка ў гэтых гарадах здымаюць дамы, ‒ кажа ён. ‒ Атрымліваецца даражэй, але можна разбіць арэнду з іншай сямʼёй напалову, месца хапае. Дамы бяруць і пад офісы невялікіх кампаній, якія пераязджаюць у поўным складзе. Напрыклад, у добрым раёне Тбілісі дом на два паверхі з 8 пакоямі каштуе 2500 долараў за месяц плюс камунальныя.

Суразмоўцы агучылі яшчэ адну праблему для прыезджых з беларускімі і расійскімі пашпартамі ‒ некаторыя абʼявы аб арэндзе публікуюцца з паметкай «не для беларусаў і не рускім». Але зʼява гэта не масавая.

Каментары

Цяпер чытаюць

У ЗША падумваюць забараніць уезд у краіну грамадзянам Беларусі з іміграцыйнымі і турыстычнымі візамі21

У ЗША падумваюць забараніць уезд у краіну грамадзянам Беларусі з іміграцыйнымі і турыстычнымі візамі

Усе навіны →
Усе навіны

Пасярод Адэсы расстралялі экс-кіраўніка сілавога блоку Правага сектара

Улад Бумага банкрутуе свой бізнэс у Расіі

На плошчы Перамогі прапануюць арэндную кватэру за 163 рублі1

У Дэнверы ў аэрапорце загарэўся пасажырскі самалёт

Уіткаф перадаў дэталі перамоваў у Маскве3

Чыноўнікам даручылі весці ўлік моладзі, якая выязджае за мяжу на вучобу і працу5

У 49 гадоў памёр экс-начальнік з Цэнтральнага РУУС Мінска4

У Мінску паставілі помнік з імперскім арлом. Адкрываць прыехаў памочнік Пуціна ФОТЫ30

Беларускі брэнд прадае чэпчыкі і пінжакі з пупырыстага поліэтылену10

больш чытаных навін
больш лайканых навін

У ЗША падумваюць забараніць уезд у краіну грамадзянам Беларусі з іміграцыйнымі і турыстычнымі візамі21

У ЗША падумваюць забараніць уезд у краіну грамадзянам Беларусі з іміграцыйнымі і турыстычнымі візамі

Галоўнае
Усе навіны →

Заўвага:

 

 

 

 

Закрыць Паведаміць