Міністэрствы замежных спраў Канады і Даніі падпісалі дамову аб падзеле вострава Ганса ў Паўночным Ледавітым акіяне, піша Радыё Свабода.
З 1973 года невялікі бязлюдны востраў у арктычнай пратоцы Нэрса быў спрэчнай тэрыторыяй. Ён размешчаны роўна пасярэдзіне паміж Канадай і Грэнландыяй, якая належыць Даніі, на мяжы іх тэрытарыяльных водаў.
Востраў Ганса атрымаў вядомасць як прадмет самага мірнага з тэрытарыяльных канфліктаў. У сярэдзіне 1980-х на востраве высадзіліся канадскія ваенныя маракі, паднялі над ім канадскі сцяг, а каля флагштока пакінулі бутэльку віскі. Праз некалькі месяцаў на востраў прыбыў дацкі міністр па справах Грэнландыі, спусьціў канадскі сцяг і падняў дацкі. Замест віскі, якое выпілі маракі, якія суправаджалі яго, ён паклаў бутэльку дацкага моцнага напою аквавіта і запіску «Сардэчна запрашаем на дацкі востраў!»
З таго часу на працягу 30 гадоў канадскія і дацкія памежнікі рэгулярна высаджваліся на востраве, мянялі сцягі і пакідалі праціўнікам алкагольныя напоі і лісты.
Паводле дамовы, заключанай у канадскай сталіцы Атаве, востраў будзе падзелены паміж Канадай і Даніяй напалову. Такім чынам, у Даніі з Канадай з'явіцца адзіны ўчастак сухапутнай мяжы, яго працягласць — каля кіламетра.
Памятаеце кадэта, які на сустрэчы з Лукашэнкам смела выступіў па-беларуску? Ён выехаў з краіны21
Каментары