Ministerstvy zamiežnych spraŭ Kanady i Danii padpisali damovu ab padziele vostrava Hansa ŭ Paŭnočnym Ledavitym akijanie, piša Radyjo Svaboda.
Z 1973 hoda nievialiki biaźludny vostraŭ u arktyčnaj pratocy Nersa byŭ sprečnaj terytoryjaj. Jon raźmieščany roŭna pasiaredzinie pamiž Kanadaj i Hrenłandyjaj, jakaja naležyć Danii, na miažy ich terytaryjalnych vodaŭ.
Vostraŭ Hansa atrymaŭ viadomaść jak pradmiet samaha mirnaha z terytaryjalnych kanfliktaŭ. U siaredzinie 1980-ch na vostravie vysadzilisia kanadskija vajennyja maraki, padniali nad im kanadski ściah, a kala fłahštoka pakinuli butelku viski. Praź niekalki miesiacaŭ na vostraŭ prybyŭ dacki ministr pa spravach Hrenłandyi, spuściŭ kanadski ściah i padniaŭ dacki. Zamiest viski, jakoje vypili maraki, jakija supravadžali jaho, jon pakłaŭ butelku dackaha mocnaha napoju akvavita i zapisku «Sardečna zaprašajem na dacki vostraŭ!»
Z taho času na praciahu 30 hadoŭ kanadskija i dackija pamiežniki rehularna vysadžvalisia na vostravie, mianiali ściahi i pakidali praciŭnikam ałkaholnyja napoi i listy.
Pavodle damovy, zaklučanaj u kanadskaj stalicy Atavie, vostraŭ budzie padzieleny pamiž Kanadaj i Danijaj napałovu. Takim čynam, u Danii z Kanadaj źjavicca adziny ŭčastak suchaputnaj miažy, jaho praciahłaść — kala kiłamietra.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj37
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary