Кіраўнік створанай расійскімі акупантамі адміністрацыі Херсонскай вобласці Уладзімір Сальда абвясціў аб эвакуацыі насельніцтва з раёнаў на правым беразе Дняпра. Па словах Сальда, гэта рашэнне звязана з маючым адбыцца «шырокамаштабным наступленнем» УСУ.
Кіраўнік акупацыйнай адміністрацыі назваў эвакуацыю «арганізаваным рухам», а рашэнне пра яе — «складаным, але правільным».
Сальда абвясціў аб арганізаваным перамяшчэнні цывільнага насельніцтва Берыслаўскага, Белазерскага, Снігіроўскага і Аляксандраўскага муніцыпалітэтаў у сувязі з планаваным УСУ разбурэннем плаціны Кахоўскай ГЭС і скіду вады з каскада электрастанцый.
Неўзабаве пасля заявы Сальда камандуючы расійскімі войскамі ва Украіне генерал Сяргей Суравікін у інтэрв'ю ТАСС назваў ваенную абстаноўку пад Херсонам «вельмі няпростай».
«Далейшыя нашы планы і дзеянні ў дачыненні да самога горада Херсон будуць залежаць ад існуючай ваенна-тактычнай сітуацыі. Паўтараю, — яна ўжо на сённяшні дзень вельмі няпростая. У любым выпадку, як я ўжо казаў, мы будзем зыходзіць з неабходнасці максімальнага захавання жыцця мірнага насельніцтва і нашых вайскоўцаў. Будзем дзейнічаць свядома, своечасова, не выключаючы і прыняцця няпростых рашэнняў», — заявіў камандуючы расійскімі войскамі ва Украіне.
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары