Akupacyjnyja ŭłady Chiersonskaj vobłaści abjavili evakuacyju žycharoŭ
Kiraŭnik stvoranaj rasijskimi akupantami administracyi Chiersonskaj vobłaści Uładzimir Salda abviaściŭ ab evakuacyi nasielnictva z rajonaŭ na pravym bierazie Dniapra. Pa słovach Salda, heta rašeńnie źviazana z majučym adbycca «šyrokamaštabnym nastupleńniem» USU.
Kiraŭnik akupacyjnaj administracyi nazvaŭ evakuacyju «arhanizavanym rucham», a rašeńnie pra jaje — «składanym, ale pravilnym».
Salda abviaściŭ ab arhanizavanym pieramiaščeńni cyvilnaha nasielnictva Bierysłaŭskaha, Biełazierskaha, Śnihiroŭskaha i Alaksandraŭskaha municypalitetaŭ u suviazi z płanavanym USU razbureńniem płaciny Kachoŭskaj HES i skidu vady z kaskada elektrastancyj.
Nieŭzabavie paśla zajavy Salda kamandujučy rasijskimi vojskami va Ukrainie hienierał Siarhiej Suravikin u intervju TASS nazvaŭ vajennuju abstanoŭku pad Chiersonam «vielmi niaprostaj».
«Dalejšyja našy płany i dziejańni ŭ dačynieńni da samoha horada Chierson buduć zaležać ad isnujučaj vajenna-taktyčnaj situacyi. Paŭtaraju, — jana ŭžo na siońniašni dzień vielmi niaprostaja. U lubym vypadku, jak ja ŭžo kazaŭ, my budziem zychodzić ź nieabchodnaści maksimalnaha zachavańnia žyćcia mirnaha nasielnictva i našych vajskoŭcaŭ. Budziem dziejničać śviadoma, svoječasova, nie vyklučajučy i pryniaćcia niaprostych rašeńniaŭ», — zajaviŭ kamandujučy rasijskimi vojskami va Ukrainie.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary