Адчуваеце трывогу і дэпрэсію перад менапаўзай? Вось што можа дапамагчы
Многія жанчыны адчуваюць трывогу або дэпрэсію падчас перыменапаўзы. Даследчыкі шукаюць новыя спосабы дапамогі.
Перыменапаўза — пераходны перыяд перад менапаўзай — пачынаецца, калі менструальны цыкл жанчыны становіцца нерэгулярным. Звычайна яна можа пачынацца пасля 40 гадоў, а пераход можа вар'іравацца ад трох да больш чым дзесяці гадоў. У гэты перыяд могуць назірацца прылівы гарачкі, начная патлівасць і змены настрою, сярод іншых сімптомаў.
Змены настрою з'яўляюцца агульным сімптомам, і даследаванні паказалі, што каля траціны жанчын у гэты перыяд адчуваюць таксама сімптомы дэпрэсіі. Некаторыя жанчыны пакутуюць ад моцных прыступаў панікі. Лекары звязваюць гэтыя трывожныя разлады з ваганнямі ўзроўню гармонаў, якія адбываюцца падчас перыменапаўзы.
Жанчынам пры дэпрэсіі сярэдняга ўзросту часта прызначаюць антыдэпрэсанты, але гэтыя прэпараты дзейнічаюць не на ўсіх і могуць мець пабочныя эфекты. Некаторыя лекары кажуць, што гарманальная тэрапія, якая выкарыстоўваецца пры сімптомах менапаўзы, можа дапамагчы — але жанчынам, якія перанеслі шэраг захворванняў, не рэкамендуецца спрабаваць гэты варыянт.
Зараз навукоўцы вывучаюць лекі, якія могуць па-рознаму змагацца са зменамі настрою ў перыменапаўзе. Некаторыя з гэтых прэпаратаў ужо дазволены для лячэння іншых праблем са здароўем. Лекары таксама спадзяюцца, што некаторыя новыя прэпараты, накіраваныя на лячэнне гарачкі, таксама могуць дапамагчы са зменамі настрою.
Зараз адбываецца актыўнае тэставанне новых лекаў. The Wall Street Journal распавядае пра тэставанне некаторых такіх прэпаратаў, але большасць з іх знаходзяцца на ранніх стадыях выпрабаванняў і пакуль што не ўхвалены для лячэння разладаў настрою.
Пакуль жа тыя, хто не мае магчымасці паспрабаваць гарманальную тэрапію, пры неабходнасці прымае лекі ад трывогі і вучыцца медытацыі.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары