Adčuvajecie tryvohu i depresiju pierad mienapaŭzaj? Voś što moža dapamahčy
Mnohija žančyny adčuvajuć tryvohu abo depresiju padčas pierymienapaŭzy. Daśledčyki šukajuć novyja sposaby dapamohi.
Pierymienapaŭza — pierachodny pieryjad pierad mienapaŭzaj — pačynajecca, kali mienstrualny cykł žančyny stanovicca nierehularnym. Zvyčajna jana moža pačynacca paśla 40 hadoŭ, a pierachod moža varjiravacca ad troch da bolš čym dziesiaci hadoŭ. U hety pieryjad mohuć naziracca prylivy harački, načnaja patlivaść i źmieny nastroju, siarod inšych simptomaŭ.
Źmieny nastroju źjaŭlajucca ahulnym simptomam, i daśledavańni pakazali, što kala traciny žančyn u hety pieryjad adčuvajuć taksama simptomy depresii. Niekatoryja žančyny pakutujuć ad mocnych prystupaŭ paniki. Lekary źviazvajuć hetyja tryvožnyja razłady z vahańniami ŭzroŭniu harmonaŭ, jakija adbyvajucca padčas pierymienapaŭzy.
Žančynam pry depresii siaredniaha ŭzrostu časta pryznačajuć antydepresanty, ale hetyja preparaty dziejničajuć nie na ŭsich i mohuć mieć pabočnyja efiekty. Niekatoryja lekary kažuć, što harmanalnaja terapija, jakaja vykarystoŭvajecca pry simptomach mienapaŭzy, moža dapamahčy — ale žančynam, jakija pieranieśli šerah zachvorvańniaŭ, nie rekamiendujecca sprabavać hety varyjant.
Zaraz navukoŭcy vyvučajuć leki, jakija mohuć pa-roznamu zmahacca sa źmienami nastroju ŭ pierymienapaŭzie. Niekatoryja z hetych preparataŭ užo dazvoleny dla lačeńnia inšych prablem sa zdaroŭjem. Lekary taksama spadziajucca, što niekatoryja novyja preparaty, nakiravanyja na lačeńnie harački, taksama mohuć dapamahčy sa źmienami nastroju.
Zaraz adbyvajecca aktyŭnaje testavańnie novych lekaŭ. The Wall Street Journal raspaviadaje pra testavańnie niekatorych takich preparataŭ, ale bolšaść ź ich znachodziacca na rańnich stadyjach vyprabavańniaŭ i pakul što nie ŭchvaleny dla lačeńnia razładaŭ nastroju.
Pakul ža tyja, chto nie maje mahčymaści pasprabavać harmanalnuju terapiju, pry nieabchodnaści prymaje leki ad tryvohi i vučycca miedytacyi.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary