Шольц: Нельга дазволіць Пуціну падзяліць свет на блокі і сферы ўплыву
«Жорсткі напад Расіі на Украіну ў лютым 2022 года стаў пачаткам прынцыпова новай рэальнасці […] калі Пуцін аддаў загад аб нападзе, ён разбурыў еўрапейскую і міжнародную архітэктуру свету, на стварэнне якой сышлі дзесяцігоддзі. [ … ] Дзейнічаючы як імперская дзяржава, Расія сёння імкнецца сілай перакроіць межы і зноў падзяліць свет на блокі і сферы ўплыву», — піша Шольц.
Паводле яго слоў, свет не павінен дазволіць расійскаму прэзідэнту дамагчыся сваіх мэтаў, а «рэваншысцкі імперыялізм Расіі павінен быць спынены».
«Вырашальная роля Германіі ў цяперашні момант заключаецца ў тым, каб стаць адным з асноўных пастаўшчыкоў бяспекі ў Еўропе, інвестуючы ў нашы узброеныя сілы, умацоўваючы еўрапейскую абаронную прамысловасць, узмацняючы нашу ваенную прысутнасць на ўсходнім флангу НАТА, а таксама навучаючы і аснашчаючы ўзброеныя сілы Украіны».
Дзеянні НАТА, па словах Шольца, не павінны прывесці да прамой канфрантацыі з Расіяй, але альянс пры гэтым павінен стрымліваць далейшую расійскую агрэсію.
«Наша пасланне Маскве гранічна яснае: мы поўныя рашучасці абараняць кожны сантыметр тэрыторыі НАТА ад любой магчымай агрэсіі», — заявіў нямецкі канцлер.
-
Ілан Маск: Starlink нельга выкарыстоўваць для наступальных дзеянняў, а хуткасць і параметры вайсковых тэрміналаў вызначаюць Пентагон і Трамп
-
Для ўезду ў Казахстан беларусам трэба будзе запытваць пропуск за тры дні
-
Харватыя карыстаецца жаданнем Чарнагорыі ўступіць у Еўрасаюз, каб павырашаць на сваю карысць старыя спрэчкі
У Эстоніі арыштаваны Алег Маісееў, кажуць яго знаёмыя. Гэта былы кіроўца Ціханоўскай, які з часам стаў яе зацятым крытыкам20
Каментары