Вядомы полацкі бізнэсмен распрадае дзясяткі гандлёвых аб'ектаў па ўсёй Беларусі
Буйны полацкі бізнэсмен Уладзімір Захараў выставіў на продаж дзясяткі гандлёвых аб'ектаў. Пра гэта гаворыцца на сайце гандлёвага цэнтра «Стралец», які яму належыць. Сярод выстаўленых на продаж аб'ектаў значацца ў тым ліку тыя, якія знаходзяцца не толькі ў Полацку і Наваполацку, але таксама ў Магілёве, Гродне, Мінску, Бабруйску, піша «Зеркало».
Усяго полацкі бізнэсмен прадае 32 аб'екты нерухомасці (плюс стаянку) у сямі гарадах Беларусі. Сярод іх буйныя гандлёвыя цэнтры ў Полацку «Стралец» і «Манеж». У асноўным гэта гандлёвыя цэнтры і будынкі, дзе знаходзяцца аб'екты гандлю. Пра прычыны продажу не паведамляецца.
Сам бізнэсмен сітуацыю для журналістаў не каментуе, але пры гэтым размяшчае некаторую інфармацыю па тэме ў сваіх сацыяльных сетках.
У сацсетках гандлёвага дома «Стралец» таксама з'явілася інфармацыя аб магчымай ліквідацыі гэтай арганізацыі. У адзіным рэестры дзяржрэгістрацыі юрыдычных асоб і ІП гэтая арганізацыя значыцца як дзейная, а апошнія змены ва ўстаноўчы дакумент юрыдычнай асобы ўносіліся ў снежні 2020 года. Інфармацыю аб магчымай ліквідацыі бізнэсмен таксама не каментуе.
Крыху менш за дзесяць гадоў таму Уладзімір Захараў ужо праводзіў масавы продаж сваіх аб'ектаў. Тады гэта было звязана з інвестыцыямі ў будаўніцтва буйнога гандлёвага цэнтра ў Наваполацку.
Раней паведамлялася, што Уладзіміру Захараву належыць большая частка гандлёвых плошчаў у Полацку і Наваполацку. Гэта буйныя гандлёвыя цэнтры, гіпермаркет, рынак «Стралецкі». Раней Захараў валодаў тэлеканалам «Квант» і газетай «Інфарм-плюс», лікёра-гарэлачным заводам «Вінрэал». У 2013 годзе ў рэйтынгу «Ежедневника» полацкі бізнэсмен уваходзіў у топ-200 самых уплывовых прадпрымальнікаў Беларусі і займаў 131-ю пазіцыю.
«У пашпарце бабулі стаіць дата нараджэння 00.00.1945» — «А ў маёй XX.XX.1940». Як такое можа быць?2
Каментары
Но это очевидно