Viadomy połacki biznesmien raspradaje dziasiatki handlovych abjektaŭ pa ŭsioj Biełarusi
Bujny połacki biznesmien Uładzimir Zacharaŭ vystaviŭ na prodaž dziasiatki handlovych abjektaŭ. Pra heta havorycca na sajcie handlovaha centra «Stralec», jaki jamu naležyć. Siarod vystaŭlenych na prodaž abjektaŭ značacca ŭ tym liku tyja, jakija znachodziacca nie tolki ŭ Połacku i Navapołacku, ale taksama ŭ Mahilovie, Hrodnie, Minsku, Babrujsku, piša «Zierkało».
Usiaho połacki biznesmien pradaje 32 abjekty nieruchomaści (plus stajanku) u siami haradach Biełarusi. Siarod ich bujnyja handlovyja centry ŭ Połacku «Stralec» i «Maniež». U asnoŭnym heta handlovyja centry i budynki, dzie znachodziacca abjekty handlu. Pra pryčyny prodažu nie paviedamlajecca.
Sam biznesmien situacyju dla žurnalistaŭ nie kamientuje, ale pry hetym raźmiaščaje niekatoruju infarmacyju pa temie ŭ svaich sacyjalnych sietkach.
U sacsietkach handlovaha doma «Stralec» taksama źjaviłasia infarmacyja ab mahčymaj likvidacyi hetaj arhanizacyi. U adzinym rejestry dziaržrehistracyi jurydyčnych asob i IP hetaja arhanizacyja značycca jak dziejnaja, a apošnija źmieny va ŭstanoŭčy dakumient jurydyčnaj asoby ŭnosilisia ŭ śniežni 2020 hoda. Infarmacyju ab mahčymaj likvidacyi biznesmien taksama nie kamientuje.
Krychu mienš za dziesiać hadoŭ tamu Uładzimir Zacharaŭ užo pravodziŭ masavy prodaž svaich abjektaŭ. Tady heta było źviazana ź inviestycyjami ŭ budaŭnictva bujnoha handlovaha centra ŭ Navapołacku.
Raniej paviedamlałasia, što Uładzimiru Zacharavu naležyć bolšaja častka handlovych płoščaŭ u Połacku i Navapołacku. Heta bujnyja handlovyja centry, hipiermarkiet, rynak «Stralecki». Raniej Zacharaŭ vałodaŭ telekanałam «Kvant» i hazietaj «Infarm-plus», likiora-harełačnym zavodam «Vinreał». U 2013 hodzie ŭ rejtynhu «Ježiednievnika» połacki biznesmien uvachodziŭ u top-200 samych upłyvovych pradprymalnikaŭ Biełarusi i zajmaŭ 131-ju pazicyju.
Ciapier čytajuć
Łukašenka: Što tvorycca ŭ krainie, u nas usie hetuju huś kruciać25
Łukašenka: Što tvorycca ŭ krainie, u nas usie hetuju huś kruciać
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna2222
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna22
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1414
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha14
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5757
Kamientary
No eto očievidno