Падборка заходніх і беларускіх святочных хітоў, якія дапамогуць узняць настрой.
O Holy Night
O Holy Night («О святая ноч») — класічная калядная песня, якую перапявалі дзясяткі вядомых спевакоў. Музыку да яе напісаў кампазітар балета «Жызэль», гэтая песня стала першай, што прагучала па радыё, і, па легендзе, яе выканалі ў акопах Першай сусветнай, пасля чаго баі спыніліся ў гонар Каляд.
Мы прапануем вам O Holy Night у фрагменце з легендарнага святочнага фільма «Адзін дома» — гэта эпізод якраз перад тым, як Кевін рыхтуецца абараняць свой дом ад рабаўнікоў. Хлопча слухае знакаміты твор у пустым храме ў выкананні дзіцячага хору.
Аляксандр Памідораў — «Цуд на Каляды»
У скарбонцы беларускай музыкі ёсць рэп-калядка. Трэк «Цуд на Каляды», выпушчаны ў 1999 годзе ў рамках праекта «Святы вечар», стаў сапраўдным хітом і адной з самых папулярных беларускіх навагодніх песень. У 2015 годзе Памідораў запісаў разам з гуртом Trubetskoy рок-версію гэтага твора.
Frank Sinatra — New York, New York
У навагоднюю ноч на галоўнай плошчы Нью-Ёрка, Таймс-сквер, збіраюцца дзясяткі тысяч людзей. На іх вачах з будынка One Times Square скачваецца гіганцкі крыштальны шар, а потым сярод мільёнаў канфеці і шчаслівых твараў гучаць класічныя амерыканскія песні. Адна з іх — New York, New York ад Фрэнка Сінатры. У відэа вышэй — кадры святкавання Новага 2020 года, калі яшчэ не было ні вайны, ні пандэміі.
Mariah Carey — All I Want for Christmas Is You
Кажуць, нібыта супрацоўнікі рознічнага гандлю ненавідзяць гэтую песню, бо ў святочны сезон ад яе не схаваешся. Мэрайя Керы выканала вясёлы калядны хіт з простай мелодыяй, якая лёгка запамінаецца, і са словамі, якія кожны зразумее: пра каханне і тое, як сумаваць па блізкім чалавеку. Спявачка выпусціла ажно чатыры кліпы на свой трэк, які нейкім цудам дагэтуль трапляе ў топы хіт-парадаў, і мы прапануем вам апошні з іх па часе.
Маргарыта Ляўчук і Андрэй Павук — «Каляда!»
Вы дакладна ведаеце гэты трэк, але ж чулі яго, верагодна, у выкананні «Песняроў». Маргарыта Ляўчук і Андрэй Павук адраджаюць песню з 40-гадовай гісторыяй і выконваюць яе па-сучаснаму бадзёра, захоўваючы, аднак, той калядны вайб, за які мы любім гэты твор.
Вольны хор — «Добры вечар табе, пане-гаспадару»
Хор прадстаўляе стары беларускі спеў «Добры вечар табе, пане-гаспадару!». Словы і мелодыя, запісаныя 30 гадоў таму ў клецкай вёсачцы Морач, аздобленыя гучаннем сімфанічнага аркестра, што ператварае песню ў сапраўдную еўрапейскую калядку.
Ella Fitzgerald — Santa Claus Is Coming To Town
Трохі джаза для фанатаў старой школы! Песню пра Санта-Клауса, што прыходзіць у горад, спявала незлічоная колькасць артыстаў, а мы прапануем вам яе ў версіі ад джазавай каралевы Элы Фіцджэральд. Гэта вясёлы, бадзёры калядны трэк з нястрымнай энергіяй вялікай спявачкі.
Блізняты-важаняты — «Навагодні вальс»
На дзіцячым ютуб-канале Vozhyki Bel усяго тры мультфільмы, і выглядае, што, на жаль, цяпер праца вытворцаў гэтай серыі спынілася. Адзін з мульфільмаў — гэтая цудоўная і вельмі пяшчотная святочная песня.
Крамбамбуля — «Партызаны каляднага лесу»
«Партызаны каляднага лесу» — рокавая кампазіцыя, якая можа ўпрыгожыць вясёлую вечарыну.
Frank Sinatra — Have Yourself a Merry Little Christmas
Багаты і цёплы голас Фрэнка Сінатры ахутвае і стварае святочную атмасферу, нават калі вы стаіце ў заторы золкім снежаньскім вечарам. Што б ні здарылася навокал, спадар Сінатра жадае вам шчаслівага Раства.
«Наша Нiва» — бастыён беларушчыны
ПАДТРЫМАЦЬ«Беларусы адчулі, што яны могуць». Псіхолаг пра адмаўленне ад святаў і тое, адкуль браць сілы на год
10 калядных фільмаў, якія варта паглядзець у святы
Ведаеце, навошта скрыня пад духоўкай? Вось тры сакрэты духовак, якія дапамогуць рыхтаваць навагодняе застолле
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары